pb 55 vmarier. Le
duc de Lenclastre eust
voulentiers veü que le
roy,
ses nepveux, eust prins sa fille qu’il eut de
madame
Blanche de Lenclastre, sa premiere femme, mais le
païs ne le vouloit mie consentir pour deux raisons,
l’une si
estoit que la
dame estoit sa cousine germaine,
ce par quoy estoit trop grant
proisimeté, et l’autre
vouloit que le
roy se mariast oultre la mer pour avoir
plus d’alliances. Si fut misse avant la
seur du jeine
roy Charle de Boesme et
d’Alemaigne, et pour traictier
de ce mariage pour la fille de luy qui estoit empereur
de Romme qui esté. A cel avis se tint a ce conseil
tous les consaulx d’
Engleterre, si en fut chargié
pour aller en
Alemaigne et pour
traictier et faire
ce mariage ung
moult vaillant chevalier du roy
qui avoit esté son
maistre et fut toudis mout prochains
du
prince de Galles, son pere. Si estoit
nommé le chevalier
messire Simons Burlé, sage homme et grant traicteur
durement. Si fut messire Simons ordonné tout ce que
a lui appartenoit, tant de
mises comme d’aultres choses.
Si se partit d’
Engleterre en bon arroy, et
ariva
a
Calaix, et de la vint a
Gravelines et a
Bruges, a
Gand, et
de
Gaind a
Brouxelles. Et la trouva le
duc Wincelin de
Braibant et le
duc Aubert, le
conte de Blois, le
conte
de Saint Pol,
messire Robert
de Namur,
messire Guillaume
de Namur et grant foison de chevaliers de
Haynau et
de
Braibant, car la avoit une grosse feste de
joustes
et de behourt, et pour ce y estoient tous iceulx seigneurs
assembléz. Le
duc
de Braibant et la
duchesse receurent, pour
l’amour du
roy d’Engleterre, le
chevalier moult liement,
et quant il sceurent la cause pourquoy il alloit
en
Allemaigne, si en furent tous resjouys et disent que
c’estoit une
chose bien prise du
roy d’Engleterre et de
leur niepce. Si chargerent a
messire Simon, en
remonstrant qu’il avoient grant affection en ce mariage.
Si
se partit de
Brouxelles le
chevalier, et print
le chemin de
Louvaing pour aller a
Coulongne.
SHF 2-126 sync
Comment les Anglois qui
estoient envoiéz au duc de
Bretaigne furent tormentéz dedans la mer et des Gantois qui remanderent leur conte.
Encores en celle saison furent
Gap: sampling pb 57 v