ne lui deust pas bien ennuier? Par
Dieu, si feroit. Il feroit guerre au
duc de
Bretaingne et lui touldroit
sa terre, combien qu’il lui deust
couster." Ainsi
et en plusieurs manieres
en parloit on ou
royaume de France.
Et par especial
du duc de Bretaingne
on n’en pouoit parmy le royaume
chanter
bonne chancon nulle car
chascun disoit qu’il avoit trop mal
fait. Or fut advisié et
regardé des
oncles du roy et du conseil pour ado
ulcir les choses et
le peuple qui trop
mal s’en contentoit du duc de Bre
taingne et pour
les besoingnes
mectre et reformer en droit fut
ordonné que un prelat et trois
barons saiges et vaillans hommes
seroient envoiéz devers le duc
de
Bretaingne pour parler a lui et
pour oir ses raisons et pour lui
faire venir a
Paris ou ailleurs, la
ou le roy voulroit excuser lui de
ce qu’il
avoit fait. Si y furent nomméz
premierement l’evesque de Beauvais,
monseigneur
Milles de Dormans, un saige
et vaillant homme, et deux proudom
mes et beaus langaigiers et bons
traicteurs avecques lui monseigneur Jehan
de
Vienne, monseigneur Jehan de Bueil et
monseigneur de La Riviere.
Ceulx furent
chargiéz quele chose ilz devoient faire
et dire et par especial pour lui
mieulx
informer de la matiere de toutes
les besongnes. L’evesque de Beau
vais vint au
Montlehery, ou le cone
stable se tenoit. Car la
ville et le
chasteau sont a lui et toutes
les appendences car le roy Charles
les lui donna a lui et a son hoir.
Mais l’evesque de Beauvais
la estant,
une maladie le prinst dont il s’a
lita et fu XV jours en fievre
et
en maladie et puis si mourut
le proudomme et ot grant plante.
En lieu de l’evesque de Beauvais fut
renvoié l’evesque de Langres. Cellui
se mist
ou chemin de
Bretaingne avecques les dessusdiz.
Comment Jehan Froissart, qui aloit d’Angiers a Tours, trouva d’aventure en son chemin monseigneur Guillaume d’Ancenis qui lui compta la maniere de la
prinse du connestable de France.
On me pourroit demander
qui voulroit dont telles
choses me
viennent a sçavoir pour parler si
proprement et si vivement. Je en
respondroie a ceulx qui m’en deman
deroient que grant cure et grant
dilligence y mis
en mon temps du
sçavoir et en cerchay maint roy
aume et maint païs pour faire
juste enqueste de toutes les choses
qui cy dessus sont contenues en
ceste histoire et qui
aussi ensivant
en descendront. Car Dieu me donna
la grace et le loisir d’en veoir en
mon temps la greigneur partie
et d’en voir la congnoissance des
haulx princes et
seigneurs, tant
en France comme en
Angleterre.
Car
saichiéz que sur l’an de Grace
mil CCC IIII
XX et X
je y avoie la
bouré XXXVII ans et a celuy
jour je avoie d’eage LVII ans. Ou
terme de XXXVII ans, quant un
homme est en sa
force et en son
venir et il est bien de toutes parties.
Car de ma jonesce je fu V ans de
l’ostel du roy d’Angleterre et de la
roine et si fu
moult bien de l’ostel
du roy de France, Jehan, et du roy
Charles, son filz. Il puet sur un
tel terme moult de choses apran
dre et concepvoir et pour certain
estoit la greigneur ymaginacion
et plaisance que je eusse que tou
dis enquerir avant
du retenir
et tantost escripre quant j’en
avoie fait la congnoissance et
fait
l’enqueste et comment je fus
adont informé et par qui de la
prinse du connestable, et de ce qui
en descendit, je le vous diray.
SHF 3-178 sync Gap: sampling pb 262 v