donna congié a toutes manieres
de gens d’armes, et s’en rala chascun en son
hostel et en son lieu. ¶ Asséz tost aprés sa re
venue en France, et la departie des osts
dessus diz, fut pris le sire de Cliçon et sous
peçonné de traison; a tout le moins grant
renommee en courut. Je ne sçay s’il en
estoit coulpable ou non. Mais je croy
roie moult envis que un si noble et si
gentil chevallier comme il estoit, et si riches
homs deust pourchacier ne penser
faulceté ne traison. Touteffois fut il,
pour ce villain fame, pris et mis en
prison ou Chastellet de Paris, de quoy
tous ceulx qui parler en ouyoient, en
estoient moult esmerveilliéz, et n’en
savoient que supposer, et en parloient
l’un a l’autre les barons et les chevalliers
de France, en disant: "Que puet on
ores demander au seigneur de Cliçon?"
Mais nul n’en savoit a rendre vraie
ne certaine response, fors tant que on
ymaginoit que l’envie ne venoit d’autre
chose que de sa prise et de sa delivrance;
et vray estoit que le roy d’Angleterre
l’ot plus chier a delivrer pour le baron
de Stanfort que messire Henry de Leon. Et
lui avoit fait le roy plus d’amour et
de courtoisie en prison qu’il n’avoit fait
au dit messire Henry de Leon. Espoir que
au dit messire Henry avoit esté plus con
traire a lui et a ses gens et a la con
tesse de Montfort que nul autre, et pour
ces pour autre chose. Siques, par cel avan
taige que le roy d’Angleterre fist au sei
gneur de Cliçon et non a messire Henry
de Leon, pensoient les envieux autre
chose qu’il n’y ot par avanture. Et
si en sourdi telle souspeçon, dont le dit
messire Olivier fut accuséz de traison.
Et decoléz a Paris, ou il ot grant plainte, pb 107 v