approuchier ne aler avant pour eulx.
Car les gens de pié reculoient sans
nul arroy
et leur brisoient le che
min. La ot grant touillis et dur bu
stin et maint homme a terre,
car les
archiers d’
Angleterre estoient sur
costé aux deux léz du chemin, et trai
oient si onniement que nul n’osoit
yssir. Ainsi furent
reboutéz dedens
leurs faulbours
ceulx de Bergerach,
mais ce fut a tel
meschief pour eulx
que le premier pont et les bailles fu
rent gaignees
de force, et entrerent
Anglois dedens avecques eulx, et la
sur le
pavement ot maint chevallier et escuier
mort et blecié et fiancé prison de
ceulx qui se
mettoient au devant
pour deffendre le passaige, et qui s’en
vouloient acquitier
loyaulment a leur
pouoir; et la fut occis le sire de Mirepois
dessoubz la
banniere de
messire Gaultier
de Mauny, qui toute premiere entra
es faubours.
¶ Quant le conte de
Laiyle, le conte de
Commingles, le
viconte de Carmaing.
¶ Le sire de Du
ras, le viconte de Villemur, le conte
de Pierregort, le sire de Tarde et les
barons de
Gascoingne qu’ilz la estoient
virent le meschief et comment les
Anglois par force estoient entréz
dedens les faulbours, et occioient
et abatoient gens
sans mercy. Si
se retrairent bellement et saigement
devers la
ville, et
passerent le pont
a quelque meschief que ce feust.
La ot devant le pont une tres bonne
escarmouche, et qui longuement dura
et si y furent de la partie des
Gascoings les seigneurs dessus nomméz, tres bons
chevalliers, et du léz des
Anglois le
conte d’Er
by, le
conte de
Pennebroch,
messire
Gaultier de Mauny,
messire Franke de
Halle, messire Hue de Hastingues, le sire
de Ferrieres, messire
Richart de Stanfort,
et se combatoient ces chevalliers main a
main par grant
vaillance, et la ot
faittes maintes belles appertises d’ar
mes, mainte prinse et mainte res
cousse. La ne se pouoit chevallier
ne bachelier celer. Et par especial
le
sire
de Mauny s’avançoit moult,
et si avant entre ses ennemis que
a grant paine l’en
pouoit on ravoir;
la furent prins, du léz des
François,
le viconte
de Bosquentin, le sire du Neuf
chastel, le viconte de Chastillon et
le
sire de Lescoit, et se retrairent tous
les autres dedens le fort et ferme
rent leur porte et avallerent le ra
stel, et puis ysnellement monte
rent aux guarites
d’amont et com
mencierent a gettier et a lancier et
a reculer leurs ennemis.
¶ Cest
assault et ceste escarmouche dura
jusques au vespre, que les
Anglois se retrairent tous lassés et tous tra
vailliéz, et se bouterent es
faulxbours
qu’ilz avoient gaingniéz, ou ilz trou
verent vins et viandes a grant foy
son, pour eulx et pour tout leur
ost a vivre largement deux moys,
s’il
besoingnast. Si passerent tel
lement celle nuit a grant aise et
a grant revel et beurent de
ces bons
vins asséz, qui pou leur coustoient,
ce leur sembloit.
SHF 1-209 sync
Quant ce vint au lendemain,
le
conte
d’Erby fist sonner
ses trompettes et armer toutes
ses gens et mettre en ordonnance
pb 111 r