et occistrent maints hommes qui
ne porent venir a raençon. ¶ La
furent pris en bon convenant les III
contes dessus diz, et mors et pris
maints chevaliers et escuiers de leur
route. En ce poigneis fut rescoux
monseigneur Eustace d’Aubrecicourt par
ses gens qui le queroient et qui
prisonnier entre les Alemans le san
toient. Et y rendi monseigneur Jehan de
Guistelle grant peine. Et fut le
dit monseigneur Eustace remis a cheval,
qui depuis ce jour fist mainte
grant appertise d’armes et prist
et fiança maints prisonnier. ¶ Quant
la bataille du duc de Normandie
vit approuchier la bataille du prince,
qui ja avoit desconfis les mareschaulx
et les Alemans, si en fut la plus grant
partie toute esbahie. Si entendi
rent a eulx sauver, et les enffans
du roy aussi, le duc de Normandie,
le conte de Poitiers et le conte de
Touraine, qui estoient moult jeunes.
Si crurent legierement ceulx qui
les gouvernoient. Touteffois monseigneur
Guichart d’Angle et monseigneur Jehan
de Sainté, qui estoient léz le conte
de Poitiers, ne vouldrent mie re
tourner ne fuir, mais se bouterent
ou plus fort de la bataille. Ainsi se
partirent les enffans du roy, et
avecques eulx plus de VIIIC lan
ces saines et entieres qui oncques
n’approucherent leurs ennemis,
et pristrent le chemin de Chauvigni.
¶ Quant monseigneur Jehan de Landas
et monseigneur Thibault de Vaudenay, qui
estoient maistres et gouverneurs
du duc de Normandie avecques
le seigneur de Saint Venant, orent
chevauchié environ une lieue en
la compaignie du duc de Norman