courroucié et en blasma la ville et
vilena moult yreusement ceulx
de Paris. Et pour appaisier la com
munaulté il en prist plus de
C et L et les fist mettre en III
portes en prison et dist a ceulx de
Paris, qui estoient tous esmeuz
d’eulx occire, qu’il les corrigeroit
selon leur forfait, parmi tant
se rappaisierent ceulx de Paris.
¶ Quant ce vint a la nuit, le
prevost des marchans, qui volt
complaire aux souldoiers anglois,
leur eslargi leurs prisons et les
fist delivrer et aler leur voie. Si
s’en vindrent a Saint Denis de
vers le roy de Navarre, qui tous
les retint. ¶ Quant ce vint
au matin que ceulx de Paris
sçorent l’affaire et la delivrance
de ces Anglois et comment le pre
vost s’en estoit acquittié, si en fu
rent durement courrouciéz con
tre lui, ne oncques puis ne le ame
rent tant que devant. Le pre
vost, qui estoit un saiges homs,
s’en sceut adonc oster et dis
simuler tant que ceste chose s’ou
blia. ¶ Or vous diray de ces
souldoiers anglois et navarrois
comment ilz persevererent. Quant
ilz furent venuz a Saint Denis
et remis ensemble, ilz se trouve
rent plus de IIIC. Si s’aviserent
qu’ilz contrevengeroient leurs
compaignons et les despis que
on leur avoit faiz. ¶ Si envoie
rent tantost deffier ceulx de
Paris, et commancierent aigrement
a courir et a guerroier ceulx de
Paris, ne nul n’osoit widier
les portes tant les tenoient
les Anglois en grant doubte,