il ne les mist mie en oubly, mais
se hasta durement et manda secre
tement ceulx de Creel en un certain
lieu qu’il leur assigna car il vouloit
chevauchier. ¶ Quant ilz furent
tous assembléz, ilz se trouverent bien
mille lances de bons combatans.
Si chevauchierent de nuit ainsi
que guides les menoient et vindrent
sur un adjournement devant Mau
conseil. En celle matinee faisoit
si grant bruine que on ne pouoit
veoir un arpent de terre loing. Si
ferirent soubdainement en l’ost des
François, qui de ce point ne se gar
doient, et dormoient a petit de
guet. Si commancierent a tuer et a
decoupper gens et a faire un grant
espars. Car les François furent
pris sur un pié tellement qu’ilz n’o
rent loisir d’eulx armer, mais se
mistrent a la fuite devers la cité
de Noion, qui leur estoit asséz prou
chaine, et les Navarrois aprés. ¶ xx La
ot moult grant bataille et dur hustin et
moult de gens mors et reverséz et
gisoient les mors a monceaulx
sur le chemin de Noion et dura la cha
ce jusques dedens les portes de
Noyon et fut la cité en grant peril
d’estre perdue. Car on dit que se les
Navarrois eussent voulu, a certes
ilz fussent bien entréz dedens. Car
ceulx de Noyon furent si esbahis
qu’ilz n’orent mie advis de clorre
la porte devers Compiengne et fut
pris l’evesque de Noion devant
les barrieres. La furent pris messire
Raoul de Raineval, le sire de Cauny
et ses deux filz, le Borgne de Rouvroy,
le sire de Turote, le sire de Vandueil,
messire Anthoine de Caudin et bien
C chevaliers et escuiers et en y ot bien de