mare et Jehan de Segure, qui les
trouverent sur
le chemin. De ces
nouvelles furent les Navarrois
tous courrouciéz,
mais amender
ne le pouoient.
SHF 1-433 sync
De l’ordonnance des Navarrois en chevauchant parmi le royaume de France. Et comment ilz
n’oserent attendre les François et comment ilz se logierent les uns
devant les autres.
Encores estoient les seigneurs
de
France sur les champs
tous
rengiéz ne nul ne s’estoit parti,
mais ilz devoient partir et trousser
tentes et
trefs et se deslogoient
quant les nouvelles leur vindrent
que les
Navarrois chevauchoient
et estoient a moins de III lieues
pres d’eulx.
Quant le connesta
ble de France le conte de Saint
Pol, le sire de
Chastillon le sire
de Pois, le sire de Beausault, le
sire de
Helly, le sire de Creselees,
messire Oudart de Renti et les
autres
seigneurs qui la estoient
entendirent ce. Si furent par
semblant tous resjoys. Et orent
un brief conseil que ou cas que
ilz savoient leurs ennemis si
pres d’eulx qu’ilz les
yroient com
batre dont fut commandé que
chascun se mist en arroy devers ses
ennemis, dont s’arrouterent tou
tes manieres gens, chascun sire des
soubz sa banniere ou
son pennon.
Et chevauchierent ordonneement
ainsi que pour tantost combatre
et
suivoient les bannieres du con
nestable et du conte de Saint Pol,
les
Navarrois entendirent que
les
François venoient a exploit
sur eulx et estoient bien XXX
M.
Si n’orent mie
conseil de les atten
dre mais passerent la
riviere de
Somme au plus tost qu’ilz
porent
et se bouterent ou chastel de Louch
chevaulx et harnois et quanqu’ilz
avoient. Si y furent moult a
destroit. A peine estoient ilz ens
entréz quant les
François furent
devant qui les suivoient de grant
voulenté et pouoit
estre heure de
vespres. Et tousjours leurs venoi
ent gens. Car encores les commu
naultéz des citéz et des bonnes villes
de Picardie ne pouoient mie si tost
venir
que les gens d’armes. Si orent
conseil qu’ilz se logeroient devant
la forteresce
celle nuit et attendroient
toutes leurs gens qui venoient l’un
aprés l’autre et l’andemain
ilz les at
tendroient, assauldroient, car ilz
les tenoient pour tous enclos. Si
se
logierent adonc toutes manieres
de gens devant Louch a la mesure
qu’ilz venoient, les
Navarrois qui
estoient la dedens enclos a petit
de
pourveances n’estoient a leur aise,
et pristrent un brief conseil et tout
secret que a
mienuit ilz se partiroient
et chevaucheroient devers
Peronne
en Vermandois. Quant ce vint envi
ron mienuit que les
François estoient
en
leurs logeis tous aquoisiéz, les
Na
varrois qui estoient dedens Louch
en Pontieu ensellerent leurs che
vaulx et trousserent et armerent. Et
quant
ilz orent ce fait ilz monterent
tout quoiement sans faire noise
et yssirent aux champs par
derriere
et pristrent le chemin de
Vermandois.
Et furent bien esloingniéz
deux
grans lieues ainçois que on sceut
leur departement ne nouvelles
d’eulx, et chevauchoient les
Napb 212 v