ilz sont tous a cheval les uns et
les autres, excepté la ribaudail
le qui les suit a pié. C’est assavoir
les chevaliers et les escuiers bien mon
téz sur bons gros ronssins et les
autres communes gens du païs
sur petites haguenees. Et ne
mainnent point de charroy, pour
les diverses montaignes qu’ilz
ont a passer parmi ce païs des
sus dit que on appelle Northom
brelande. Et si ne mainnent
nulles pourveances de pain ne
de vin. Car leur usaige est tel
en guerre et leur sobrieté qu’ilz
se passent asséz bien longuement
de char cuite a moittié sans pain.
Et si n’ont que faire de chaudieres
ne de chauderons, car ilz cuissent
bien leur chars en cuirs de be
stes mesmes, quant ilz les ont
escorchees. Et si scevent bien
qu’ilz trouveront bestes a grant
foison ou païs la ou ilz veulent
aler, pourquoy ilz n’emportent
autres pourveances, fors que
chascun emporte entre la selle et
le panneau une grande platte
pierre et troussie derriere lui
unes bessaces plainies de farine,
en telle entente que quant ilz
ont bien mengié de char mal
cuite que leur estomac leur semble
a estre wit et affoibli, ilz get
tent celle pierre ou feu
et destrempent un pou de leur
farine de eaue. Et quant leur
pierre est eschauffee, ilz gettent
de celle clere paste sur celle
chaude pierre et en font un
petit tourtel en maniere d’une
oublie de beguine, et le mengu
ent pour conforter leur esto
mac. Pourquoy ce n’est point