Bertran et sa grosse route vendront
batant et se bouteront dedens et en
feront leur voulenté. S’ilz ne l’ont
par celle voie ilz ne peuent mie
veoir comment ilz l’aient. Ce conseil
fut tenu et le tindrent les seigneurs
entr’eulx en secret. Et se parti messire
Bouciquault et sa route et chevau
cherent devers Mante, et messire Ber
tran d’aultre part et les siens se mistrent
en embusche asséz pres de Mante.
¶Quant messire Bouciquault et
sa route dorent approuchier la
ville de Mante, ilz se desrouterent
ainsi comme gens desconfiz et mis
en chace, et s’en vint ledit mareschal,
espoir lui Xe, et les autres petit a
petit le suivoient; si s’arresta devant
les barrieres. Car tousjours il y avoit
gens qui les gardoient, et dist:
"Haro, bonnes gens de Mante, ouvréz
vos portes et nous laissiéz entrer
dedens et nous recueilliéz. Car
veéz cy ces murtriers de Roleboise
qui nous enchacent et nous ont descon
fiz par grant mesaventure." "Qui estes
vous, sire?" distrent ceulx qui la estoi
ent, et qui la porte gardoient. "Seig
neurs, je suis sire Boucicault, ma
reschal de France, que le duc de Nor
mandie envoioit devant Roleboise,
mais il il m’en est mal pris, car ilz
m’ont desconfit et me convient fouir
vueille ou non, et me prendront
a main et ce que j’ay de remenant de gens
se vous ne ouvréz vostre porte."
Tantost ceulx de Mante respondi
rent qui cuidierent qu’il leur deist
veoir : "Sire, nous savons bien que
ceulx de Roleboise son noz ennemis
et les vostres aussi, et n’ont cure a qui
ilz aient la guerre. Et d’autre part
le duc de Normandie nous het pour