et autant d’archiers de sa delivrance et fist
sa pourveance sur la mer en quatre gros
ses nefs en une ville de Bretaingne et
port de mer que on appelle Kaouke.
Quant toutes ses pourveances furent
faictes et acompliez il se parti de
Derval et se trahi celle part, si entra en son vais
sel et ses gens es leurs, et singlerent tant
au vent et aux estoilles qu’ilz arrive
rent au
kay de La Rochelle. Si lui firent
les
bourgois de La Rochelle grant feste
arriere cuer, mais ilz n’oserent
autre chose faire. Et la trouva il messire
Jehan d’Evreux qui estoit cappitainne
de
La Rochelle depar le
prince, car le senes
chal estoit avecques
messire Jehan
Chandos et messire Thomas de Persy,
le dit messire Jehan de Evreux reçut
le dit messire Robert moult lieement
et lui fist toute la meilleur compai
gnie que il pot faire. Et se refreschy
messire Robert et ses gens par deux jours,
au III
e jours ilz partirent et se mistrent au
chemin devers
Angoulesme. Et tant
exploicterent par leurs journees qu’ilz
y parvindrent.
¶De la venue
messire
Robert Canole fut le
prince moult res
jouys. Et ne le pot pas par semblant
trop conjoïr ne festoier, et aussi
ma
dame la princesse. Tantost le
prince le fist maistre et souverain de tous les
chevaliers et escuiers de son hostel, pour
cause d’amour et de vaillance et d’on
neur, et leur commanda a obeir a lui
comme a leur souverain, et ilz distrent
que si feroient ilz voulentiers. Quant
le dit
messire Robert Canole ot esté de
léz le
prince environ V jours et ceulx
furent appareilliéz qui devoient aler
en sa chevauchee, et aussi qu’il sçot
quele part il se trairoit, il prinst con
gié du
prince. Et se parti d’
Angoules
me bien accompaigné.
¶Les chevaliers
du
prince avecques lui, telz que messire
Richard de Pontchardon, messire Esti
enne de Gousenton, messire Daglori
seth, messire Neel Lorinch, messire
Guillaume Toursiel, messire Hugues
de Hastinges, messire Jehan de Trivet,
messire Thomas le Despensier, messire
Tanton, messire Thomas Balastre,
messire Nicolas Bonde, messire Guil
laume le Moynne, seneschal d’Agi
nois, messire Baudouin de Franville
et plus de LX chevaliers. Si estoient en
viron V
C hommes d’armes et V
C archiers et autant de brigans,
et tous en voulenté de trouver et
combatre les
François. Si chevau
chierent les gens du
prince dont
messire Robert Canole estoit chief
et gouverneur pardevers
Agen pour
venir en Quercin, ou les compai
gnes se tenoient, et tant exploit
terent qu’ilz vindrent en la
cité d’A
gen. Si se tindrent la un petit pour
eulx refrescir et actendre les en
nemis.
¶Pendant ce que le dit
messire Robert Canole sejournoit
a
Agen et ses gens la environ,
il entendi que messire Perducas
de Labreth, un grant cappitainne des
compaignes et qui en avoit plus
de III
C en sa route dessoubz lui, estoit
sur le païs en celle saison par le
pourchas du duc d’Anjou tournéz
françois.
¶Si envoia tantost le dit
messire Robert Canole devers lui
pb 331 r