jours. Car ceulx de dedens venoient
par usaige tous les jours a main ar
mee jusques a leurs barrieres hors
de la porte, et la escarmouchoient moult
longuement et vaillamment et har
diement a tous venans et si bien se
portoient que proprement de ceulx
de l’ost ilz avoient grant louenge. Ainsi
se tindrent en cel estat un grant temps,
et fussent encores trop plus tenuz se
orgueil et presumpcion ne les eust temptéz.
Car ilz estoient gens asséz, et tous
hardis compaignons pour tenir et
deffendre leur forteresse et bien pour
veuz de vivres et d’artillerie, et que
ceulx de l’ost se commancierent fort a
tanner, combien qu’ilz gesissent la
moult honourablement, mais ilz
regarderent qu’ilz y estoient a grans
fraiz et que trop pou y conqueroient.
¶Or advint un jour que ilz orent
conseil et advis comment ilz se main
tendroient pour leur affaire approu
chier. Si ordonnerent que a l’ende
main a heure de prime ilz feroient
toutes leurs gens armer et eulx
tenir secretement en leur logeiz, et
envoieroient aucuns d’eulx escarmou
chier a ceulx de la forteresse, car ilz les
sentoient de si grant voulenté que
tantost ilz istroient hors et se mectroi
ent sur les champs bien et apparte
ment pour eulz combatre. En ce fai
sant leurs gens qui la seroient envoiéz
escarmouchier se fainderoient et se
retourneroient tout combatant petit
a petit devers leurs logeiz ainsi que
desconfiz pour ceulx du dit fort atrai
re plus avant, et ilz auroient ordonné