Il leur ennuira et iront tout au neant.
Aussi comme une oraige et une tempeste
si appert a la foiz en un païs, si se depart
depuis et gaste de soy mesmes, ainsi
avendra il de ces gens
Anglois.
SHF 1A-742 sync
¶ Comment les ostaiges que ceulx de
Derval avoient baillees, furent decoléz. Et comment messire Robert Canolle fist decoler les prisonniers qu’il tenoit. Et aussi de la chevauchee du duc de
Lancastre.
Vous avéz bien oy cy dessus re
corder comment
messire Robert
Canole estoit venu de
son chastel de Der
val, qu’il tenoit pour son heritaige,
et vouloit brisier le traittié qui estoit
entre ses gens et le duc d’Anjou. Pour
quoy le duc estoit venu au siege devant
Derval, et
y y seoient adont grant
foi
son de seigneurs en sa compaignie de
Bretaigne, d’
Anjou, de
Thourainne, de
Poitou et des Basses
Marches.
¶Or
voulsist bien que le roy de France qui
la estoit et le sire de Cliçon et plusieurs
autres refussent en
France pour aidier
a
poursuivir les
Anglois avecques
son
frere le duc de Bourgongne:
si leur man
doit souvent. Siques ces seigneurs
se tenoient pres d’eulx acquictier et d’o
beir au roy, et avoir la saisine du
fort
chastel de Derval.
¶Quant le jour fut
passé que le chastel devoit estre rendu
se
le siege n’estoit levé, si furent ceulx
du siege tous esmerveilliéz a quoy
ceulx de dedens
pensoient. Bien savoi
ent que
messire Robert Cannole s’estoit
mis dedens et
les avoit refreschis.
Si
envoierent les dis duc et connesta
ble devers
messire Robert Cannole et
messire Hue Broe,
lequel avoit fait
le traittié.
¶Quant le herault fut venu
en la place et en la forteresce il dist aux
seigneurs: "Mes seigneurs m’envoient
cy pardevers vous
comme ceulx qui
sauroient voulentiers pourquoy vous
ne acquictiéz voz hostaiges et
delivréz
ce chastel, ainsi comme le convenant
le porte et que vous, messire
Hue, l’avéz
juré." Adont dist
messire Robert Can
nole : "Herault, vous diréz a vos maistres
que mes gens ne peuent faire com
posicion sans moy."
¶Le herault, quant
il vit qu’il ne vouloit tenir le traitté
de ses gens,
retourna et recorda a
ses seigneurs, qui le renvoierent
et leur dist qu’ilz ne devoient nul
recuillir par la composicion de leur trait
tié qu’ilz ne feussent aussi fors qu’ilz
estoient, et que en ce trouvéz estoient
en deffaulte, car ilz avoient receu
messire
Robert Cannolle simplement,
ce qu’ilz ne pouoient ne ne devoient
faire. Et
sceussent verité que c’estoit
l’oppinion du duc et de tout son con
seil que se
le chastel n’estoit rendu,
on feroit decoler les hostaiges.
Messire
Robert
Cannolle respondit: "Par Dieu,
herault, pour les menaces de voz
seigneurs je
ne pardray pas
mon
chastel. Et s’il advient que le duc
d’Anjou face
mourir mes hommes
par orgueil, je lui feray le pareil.
Car j’ay seans chevaliers et escuiers
pri
sonniers, mais se j’en devoie avoir
C
M frans il n’en y aura ja
nul prins
a mercy."
¶Quant le herault ot fait
son rapport a ses seigneurs, le duc
d’Anjou fist appeller la copeteste et a
mener les hostaiges avant, deux
chevaliers et deux escuiers, lesquelx
furent decoléz pres du chastel si
ques ceulx de dedens les pouoient
veoir et congnoistre. Tantost
messire
Robert Cannole fist lancier une table
pb 395 r