vindrent a
Valenciennes. Or parlerons
du duc de Normandie, qui moult estoit
courrouciéz du despit que les
Hannuyers lui
avoient fait. Si commanda au matin
a deslogier, et de entrer en
Haynault
pour
tout ardoir sans nul deport. Donc chevau
cherent en arroy les coureurs premiers, qui
estoient bien deux cens lances, dont me
ssire
Thiebault de Morneil, le
Galoys de la
Baume, le sire de Mirepoix, le sire de Sampy,
messire Jehans de Landas, le sire de
Angest
et le sire de Cramelles, aprés chevaucho
ient les deux marechaux en grant route,
et estoient bien V
C
lances, aprés le duc de
Normandie avecques grant foison de contez,
de barons,
et grant multitude d’autres
chevaliers. Sy entrerent les diz coureurs
en
Haynault, et ardirent
Forests, Wertain,
Vertiginiel,
Escarmain,
Vendengurs ou Bois,
Vendengie sur Escalon,
Veermourin, Cala
mes,
Senlechies et les faubours du Ques
noy, et se logierent
sur la riviere d’Uitiel.
A l’endemain ilz passerent oultre, et ar
dirent
Esmenal,
Villiers,
Marechpois,
Presil,
Auffroy,
Obiez et la ville de Banoy, et
tout
le païs jusques a la riviere de Hon
niel. Et ou second jour
ot grant escar
mouche et assault au chastel de Wertain
de la bataille des marechaulx, mais
ilz ne furent riens, car ilz furent bien
recueillis et le chastel bien gardé, et s’en
vint le duc de Normandie logier sur
la riviere de
Selles oultre Hausi. Or
parlerons nous du seigneur de Fauque
mont, qui fut un moult bon chevalier,
d’une
gar grant appertise d’armes
qu’il
fist.
SHF 1-104 sync
Messire Walerans de Fauquemont estoit cappittaine de la
ville de
Maubeuge, et avoit bien cent lances
d’
Allimans et de
Hannuyers avecques
lui. Quant il vit
que les
François ar
doient ainsi le païs, et ouyt les po
vres gens crier et
pleurer, il en ot grant
pitie, si s’arma, et ses gens avecques,
et
recommanda la ville au seigneur de
Beaugeu et au seigneur de
Montigny,
et dist qu’il avoit tresgrant desir de
veoir les
François.
Si chevaucha tout
ce jour, tousjours costiant les bois et
la forest de Morueil
jusques sur le soir
qu’il apprist et entendit que le duc de Nor
mandie et tout son
ost estoient logiéz
sur la riviere de Selles asséz pres de
Aussi,
de quoy il fut moult joyeux et
dist briefment que il les yroit resveil
lier. Si chevaucha ceste
vespree tout
saigement, et environ mienuit il
passa la riviere augué, et toute
sa
route. Et quant ilz furent oultre, ilz
resanglerent leurs chevaulx, et puis
chevaucherent tout souef jusques
ad ce qu’ilz vindrent es loyeus du duc
et
quant ilz vindrent pres ilz ferirent
chevaulx des esperons, tout d’un randon,
et se
plaquerent en l’ost du duc, en es
criant "
Fauquemont !
Fauquemont !"
et commancerent a coupper cordes et
a rompre
et a abatre paveillons et
tantes par terre, et a occirre et decoupper
gens et mettre a grant
meschief,
l’ost se commença a esveiller, et toutes
gens a armer, et se trairent celle
part la ou celle noise estoit. Et quant
le sire de Fauquemont vit que a point
estoit, il s’en retraist arriere avecquez
ses gens, bel et saigement, et a ceste
fois fut mort
le sire de Puiquegny, Pi
cart, et fiança prison le visconte de
Quesnes,
et le
Borgne de Rouvray, et
durement blecie messire Antoine
de
Codun. Quant le sire de Fauque
mont ot faite son emprise, il se de
parti
a toutes ses gens et rappassa
la riviere de Selles sans aucun dom
mage, car
point ne furent poursuiz,
et chevaucherent tant qu’ilz vindrent,
environ soleil levant, au
Quesnoy, ou
le marechal de Haynault se tenoit,
qui leur ouvry
la porte et les receut
pb 57 r