aprés lui et sa route, tant qu’il les consuivi et
la ot bonne escarmouche, car le senescal porta
jus de coup de lance sur messire Boucicault, qui
adoncquez estoit moult appert chevalier, et fut en
core depuis plus, car il fut marescal de
France si comme vous orrés en avant en l’i
stoire, et lui fist fiancer prison, et puis l’en
voya a Valenciennes, mais je ne sçay com
ment ce pot estre, car le sire de Surgieres
se sauva et eschappa et ne fut point pris,
mais messire Guillaume Blondeau fiança
prison a messire Henry d’ Ulphalize, et pres
ques tous les autres furent mors ou prins.
Ceste rencontre detria moult le senescal,
qui ne pot venir a temps au pont de Trie.
Ains l’avoient ja conquis les François
quant il y vint, et mettoient grant enten
te a abatre les moulins et un petit chastel
let qui la estoit, mais si trestost que le
senescal vint en la ville, ilz n’orent point
de loisir, car ilz furent recueillis vaillam
ment et occis et detrenchiéz, et les fist
on saillir en la riviere, dont les aucuns
en furent noyéz. Siques la ville en fut
toute delivree, et vint le senescal de Hay
nault passer l’Escaut audevant, puis s’en
ala a son chastel de Werthim pour le gar
der et deffendre, se mestier estoit. ¶Et lors
se tenoit encore le duc de Normandie sur
le mont de Castres, la ou il se tint la plus
grant partie du jour en bonne ordonnance,
car il cuidoit que ceulx de Valenciennes
le deussent venir combatre, si comme ilz eus
sent voulentiers fait, mais messire Hen
ry d’Antoing, qui la ville avoit a garder,
leur deffendoit, et estoit a la Porte Cam
bresienne moult essommié et en grant
peine d’eulx destourner de non vuidier.
Et le prevost de la ville pour le temps
avecques lui, Jehan de Vassy, qui les affer
moit ce qu’il pouoit. Et tant leur dist
de belles parolles raisonnables qu’ilz
s’en souffrirent. SHF 1-105 sync Quant le duc de Normandie et ses
batailles, qui tres belles estoient,
se furent tenues un grant temps sur