nuyt et jour
comment il le
pourroit oster de sa grace.
Plusieurs foiz il l’ot en pensee
qu’il le
feroit occire par
ses
freres, mais il n’osoit pour
doubtance du
conte.
Tant
subtilla, visa et ymagina qu’il
trouva le chemin. Et la cause
pourquoy
principallement ilz
s’entrehayrent, je le vous diray
pour mieulx venir a la fondacion
de ma matiere. Anciennement
avoit en la
ville du Dan une
guerre mortel de
deux hommes
naieurs et de leurs lignages,
qui s’appelloient li
uns sire Pierre
et l’autre
sire Jehan Barde, par
celle guerre d’amis
estoient
moult d’eulx XVIII.
Giseberth Mahieu et
ses freres estoient du
lignaige de l’un et
Jehan Lion de
l’autre. Car haynes
couvertes
estoient ainsi de long temps
nourries entre ses deux parties,
quoyqu’ilz parlassent, beussent
et mengeassent a la foiz ensemble.
Et trop plus grant
compte en
faisoit le lignaige
Mahieu que
Jehan Lion
ne faisoit.
Sans coup
ferir, advisa ung subtil
tour. Et sejournoit une foiz le
conte de Flandres a
Gand, si
s’en vint a l’ung des plus
prouchains chambellans du
conte et s’acointa de lui et lui
dist: "Sy
monseigneur de Flandres vouloit, il aroit
tout les
ans ung grant prouffit sur
les maieurs, dont il n’a
maintenant riens,
que les maieurs
et estrangiers paieroient, voire
mais que
Jehan Lion,
qui doit
estre maire des maieurs,
s’en voulsist loyaument acquitier."
Cil
chambellan dist que il
monstreroit ce au
conte, ainsi
qu’il fist. Le
conte, ainsi que
plusieurs seigneurs se enclinent
par nature a leur prouffit
et ne
regardent mie loyaument
a la fin ou les chouses peuent
venir, fors a avoir la mise
et
la chevance, et ce les deçoit,
respondit a son chambellan: "Faictes
moy Giseberth Mahieu et nous
orrons quelle chose il veult
dire." Sy fist
Giseberth venir
parler au
conte. Et lui
remonstra plusieurs raisons
raisonnables, ce sembloit il au
conte, pourquoy le
conte respondit:
"C’est bon que ainsi soit fait. "
Sy fut appellé en la chambre
en la
presence de Giseberth
Jehan
Lion qui riens ne savoit de
ceste matiere. Quant le
conte lui entama et dist: "
Jehan,
si vous vouléz, nous aurons
grant prouffit en ceste chose."
Jehan, qui estoit loial, en ceste
ordonnance regarda que ce
n’estoit pas une chose
raisonnable
et si n’osoit dire du contraire.
Et si respondit ainsi: "
Monseigneur,
ce que vous demandéz et que
Ghiseberth met avant, je ne le
puis pas faire tout seul. Car
pb 59 r