complices ont receue tres
humblement
de nostre dit seigneur
et de nous, et par leurs lectres
et messaiges
sollempnéz en
grant nombre qu’ilz ont envoiéz
devers nous et nostre dit seigneur
estans a
Tournay, ont renoncé
a tous debatz et guerres et
sont retournéz de bon cueur
a la vraye obeissance de
nostre dit
seigneur et de nous, en
promectant que d’ores en avant
ilz seront bons amys et
loyaulx
et vrais subgectz a nostre dit seigneur
le roy, comme a leur seigneur
souverain, et de nous, comme
a leur sire naturel, a cause
de
Marguerite nostre
compaigne,
et de nous, Marguerite, comme
leur dame naturelle
et
heritiere, pourquoy, nostre dit seigneur
et nous
nos dis
subgetz de
Gand et leurs complisses
avons receuz en nostre grace,
misericorde
et obeissance,
et donné lettres de grace et
pardon et remission purement
et
absoluement, avecques
la restitucion de leurs
previleiges, coustumes et
usaiges, si
comme ces choses
et autres peuent plus plainement
apparoir par le contenu
des dites
lettres. Aprés lesquelles
graces et remissions, nos dis
subgetz de nostre dicte bonne
ville de Gand nous ont fait
plusieurs supplicacions, lesquelles
nous avons receues, fait veoir
et visiter diliganment par les
gens de nostre conseil par
grant et a meure deliberacion,
lesquelles veues, pour le dit
commun de
tout le païs pour
eschiever toutes dissencions
qui d’ores en avant s’en peuent
ensuivre, de nostre grace, pour
amour et contemplacion de
nos bons subgectz,
avons
ordonné sur les dites supplicacions
par la maniere que s’ensuyt.
Premierement, sur ce qu’ilz
nous ont suplié que voulsissions
confermer les previlleges
de
Gand, d’
Audenarde, de
Grantmont, Nievle,
Tertemonde,
Ruplemont,
Alost, Ach,
Arcle,
Brevereliéz,
Donze et des
chastellenies et plat païs
d’icelles villes, nous avons
ordonné que les habitans
d’icelles villes viendront
pardevers nous et nous
apporteront leurs previleiges,
lesqueulx nous ferons veoir
par les gens de nostre
conseil,
et, iceulx veüz, nous en
ferons tant que
nos dis subgetz
de Gand et ceulx des bonnes
villes, en devront par raison
estre contens. Et, si aucuns
des dis previleiges estoient
perduz par cas de fortune
ou autrement, nous en ferons
faire bonne informacion, et,
pb 147 r