messire Aymenon de Pomiers et
messire Jehan de Vienne, admiral
de
Fland France, messire Guillaume
de Poitiers, bastard de Langres,
le
Begue de
Villaines, messire
Raoul de Coucy, le conte de
Conversant,
le viconte d’Acy,
messire Raoul de Raineval,
le sire de Saint
Just, messire
Artus de Hesdin, messire
Anthoine d’Archies, le
seigneur
de Saintpy, messire Guillaume
des Bordes, le sire de
Bougueville,
le sire de Sully, messire Tristan
de Lesconte, messire Ollivier
de Claquin, messire Morice
de Treseguidi, messire
Guy le
Baveux, messire Lucas de
Lestieghen, messire Nicolle
Palmer, les deux mareschaulx
de France, messire Loïs de
Xancerre, le seigneur de
Bleinville, le mareschal de Bourgongne,
le mareschal de Flandres,
messire Enguerran de Hesdin
vindrent en la
chambre du
connestable de France, pour
avoir certain arrest et advis
comment on s’ordonneroit, sy
on passeroit parmy
Lisle pour
aller a
Commines et a
Warneston,
ou les passaiges estoient
gardéz, ou s’on yroit amont, vers
la Gorge, le Venoie et
Saint
Venant et passer la
riviere
du Liz. La ot
entre ses seigneurs
plusieurs parolles tournees,
et distrent ceulx qui congnoissoient
le païx : "Certes, ou temps de
maintenant, il ne fait nul
aller en ce
païs, ne la terre et
chastellenie de Cassel, de
Furnes ne de
Verthes." "Et quel chemin
tendrons nous dont?" dist le
connestable. La dit le
sire
de Coucy
une moult haulte
parolle : "Je conseilleroie que
nous alissions a
Tournay la passer
l’Escault et cheminer
devant
Audenarde, le chemin
la saurons nous bien aisez, et la
combatre noz ennemys, nous
n’aurons nul empeschement.
L’Escault passé a
Tournay,
si viendrons devant
Audenarde et serons droit a
Phelippes
d’Artevelle, si serons tous
les jours refreschiz de toutes
pourveances qui nous
viendront
du costé de
Hainnault et qui
nous
suivrons de
Tournay par
la riviere." Ceste parolle
dicte du
sire de Coucy fut
voulentiers ouye et bien
entendue et des aucuns tres
longuement soustenue. Mais
le
connestable et les mareschaulx
se enclinoient trop plus de
aller
devant lui querir et
faire brief passaige a son
loyal pouoir que de aller
a destre ne
a senestre querir
plus loingtain chemin, et
y mectoient raisons raisonnables,
car ilz
disoient : "Si nous
querons autres chemins
que le droit, nous ne monstrerons
pb 41 r