nul traictié
que les
Espaignolz ne feussent encloux la dedens.
Finablement, ilz
vindrent, de
par le
roy d’Espaigne et le
païs, ung evesque, ung diacre
et deux chevalliers. Or fut
advisé de toutes parties et
pour le plus
seür, pour tant
que ilz ne s’osoient asseurer
bonnement l’ung avecques l’autre
les
seigneurs de
France aller
a
Calais ne les seigneurs
d’
Angleterre venir a
Boulongne,
que le parlement et les
traictiéz seroient assiz et mis
en my chemin de ces
deux
villes,
au dessus de
Wisseng,
et
ung villaige et une eglise
que l’on appelle
Alolinghe. La
vindrent toutes les parties,
et la furent les seigneurs et
leurs
conseil par plusieurs
journees, et parlerent enssemble,
et la estoient le
duc de
Brethaigne, le
conte de Flandres,
et fut la sur les champs tendue
la grant
tente de
Bruges, et
donna le
conte de Flandres a disner en
tente au
duc de
Lenclastre, au
conte de Bouquinghen et aux autres
seigneurs d’
Angleterre,
et furent la les estas tenuz
moult grans de l’une
partie
et de l’autre. Mais, tout ce
consideré et parlamenté, on
n’y pot onc trouver nulle paix,
car les
François vouloient
ravoir la
conté
de Guynes et
Calaiz et toutes leurs fortresses
qu’ilz tenoient a ce jour deça la
mer jusques a la
riviere de
Garonne,
tant en
Normendie,
en
Brethaigne, en
Poitou, en
Xaintonge et en
La Rochelle,
laquelle
chouse lne traictié si
n’eussent jamais les
Anglois fait, et par especial,
rendu
Guynes, ne
Calaiz,
Chierebourg,
ne
Brest en Brethaigne. Sy
furent ilz sur ces traictiéz
plus de trois sepmaines, et
presque tous les jours ilz
parlamenterent, ou leur
conseil,
enssemble. En cellui temps
trespassa de ce siecle, en
la
duchié de Luxembourg,
le
gentil et jolis duc Vincelins
de Boesme, duc de
Lucembourg
et de Brebant, qui fut en
son temps noble, jolis, frisque,
saige,
amoureux et dameréz.
Et, quant il yssit de ce siecle,
l’on disoit adont que le plus
hauls prince et le mieulx
enligangé de hault lignaige
et de plus noble sang et
qui plus avoit de
prouchains,
estoit mort. Dieux en ait
l’ame! et gist en l’
abbaie de
Vaucler deléz
Luxembourg. Sy
demoura
madame la duchesse
Jehane de Brebant vesve,
ne
oncques puis ne se remaria,
ne n’en ot voulenté. De la
mort du
noble duc furent
tous courrouiéz en son païs
et ceulx qui l’amoient.
pb 96 r