le duc Frederic de Baviere, son oncle, en sa com
paignie et
par lequel, au voir dire, le ma
riage estoit premierement promeu, par
la maniere et
raison que je vous diray.
SHF 2-447 sync
Comment la duschesce de Braibant rescrisi au duc Frederic du
mariage du jeune
roy de France et de sa niepce damoiselle
Ysabel de
Baviere, et comment le dit duc et la dicte damoiselle vindrent au Quesnoy en la conté de
Haynault.
Q uant le duc Frederic vint premierement
en France et il fut devant
Bourbourc ou service du roy de France, voir est que
il fut festoié et conjoiz des oncles du roy
et des royaulx
moult grandement, pour
la cause de ce qu’il estoit venu servir le roy
de
long
païs de Baiviere et de plus de
deux cens lieues loings. Si
tindrent du dit
duc le service a grand, et fut tousjours
logiéz moult pres du
roy en cause d’amour et
acompaignié des oncles du roy. Et quant
il se fut parti de
Baviere, il cuida certai
nement que le roy de
France et le roy d’An
gleterre deussent avoir en la marche
de
Flandres ou de France bataille adrecee
ensemble, si
comme la voix et renommee
couroit adonc par toute
Allemaigne. Et
pour ce lui en sçavoient le roy de France
et ses oncles plus grant
gre. Et estoit
advenu, eulx estans en ce voiage de Ber
guhes et de
Bourbourc, que les oncles du
roy, ainsi que seigneurs se
devisent ensem
ble, lui avoient demandé moult bien se
il avoit nulle fille a marier,
et que il
convenoit une femme au roy de France,
et plus chier auroient ilz
a le marier
en
Baviere que ailleurs, car les
Bavieres anciennement ont esté tousjours du
conseil du roy.
¶ A ces paroles avoit
respondu le duc Frederic que nennil, mais
son frere aisné le duc Estienne en avoit
une belle. "Et de quel aage?" demanderent
les oncles du roy. "Entre treze et quatorze
ans," avoit respondu le duc Frederic. Donc
disrent les oncles du roy : "C’est tout ce
que il nous fault. Vous revenu en
Baviere,
parléz en a vostre frere et admenéz vostre
niepce a
Saint Jehan d’Amiens, et le roy la
verra, espoir
lui sera elle agreable, car
il voit voulentiers toutes belles choses
et les ayme. Et, se
elle lui eschiet en cuer,
elle sera royne de France." Ainsi alerent
les
premieres convenences, ne plus n’y
ot dit ne fait, et n’en sçavoit riens le
roy de
France que on eust parlé de son
mariage. Et quant le duc Frederic fut
retourné en
Baviere, il remonstra a son
frere le duc Estienne toutes ces choses,
le quel pensa moult longuement sur
ce, et lui respondi : "Beau frere, je croy
moult bien qu’il soit ainsi comme vous
me ditez,
et seroit ma fille bien eureuse,
se elle pouoit escheoir ne venir a si
hault
honneur comme d’estre royne de
France. Mais il est moult loings d’ici,
et
si y a trop grant regard a faire une
royne et femme d’un roy. Si seroie trop
courrouciéz, se on avoit mené ma fille
en France, et puis
que elle me feust ra
menee. J’ay asséz plus chier que je la
marie a mon aise deléz
moy." Ce fut la
response que le duc Estienne avoit don
né a son
frere, de quoy le duc Frederic se
contemptoit asséz, et en avoit escript
auc
ques sur celle forme aux oncles du roy,
a
son oncle le duc Aubert et a
madame
de Braibant, aux quelx il en avoit parlé
a son retour, et
cuidoit bien que on eust
mis toutes ces choses en nonchaloir. Et
aussi on parloit du
mariage du roy ail
leurs, et se feust asséz tost le roy accordé
a la fille du duc de Lorraine, car elle e
stoit moult belle damoiselle et de son
pb 201 r