Marguerite, comme leur dame naturelle
et heritiere, pourquoy nostre dit seigneur
et nous nos diz subgiéz de Gand et leurs
complices avons receuz en nostre garde et mi
sericorde et obeissance, et donné lectres de
grace, pardon et absolucion purement et ab
solument, avecques la restitucion de leurs
previleges, coustumes et usages, si comme
ces choses et aultres peuent plus plaine
ment apparoir par le contenu des dictes
lectres. Aprés lesquelles graces et remissons,
nos dis subgiéz de nostre bonne ville de Gand
nous ont fait plusieurs supplications, les
quelles nous avons receues, fait veoir
et visiter diligemment par les gens de nostre
conseil, par grant et meure deliberacion,
lesquelles veues, pour le dit commun de
tout le païs, pour eschever toutes discen
cions qui d’ores en avant s’en peuent
ensuivre, de nostre grace, pour amour et
contemplacion de nos bons subgiéz,
avons ordonné sur les dictes suplicaci
ons par la maniere qui s’ensuit. ¶ Premierement,
sur ce qu’ilz nous ont suplié que nous
voulsissions confermer les privileges
des villes d’Escournay, d’Audenarde,
de Grantmont, Nievle, Tenremonde,
Rupplemonde, Alos, Haast, Axele, Bre
veliéz, Donze et des chastellenies et
plat païs d’icelles villes, nous avons
ordonné que les habitans d’icelles villes ven
ront pardevers nous et nous apporteront
leurs dis privileges, lesquelz nous ferons
veoir par les gens de nostre conseil, et, iceulx
veuz, nous ferons tant que nos diz bons
subgiéz de Gand et ceulx des bonnes
villes, en devront par raison estre comptens.
Et, se aulcuns des diz privileges estoient
perdus par cas de fortune ou aultrement,
nous en ferons faire bonne informacion,
et, icelle veue, y pourverrons comme dit est.
Item, sur ce qu’ilz nous ont suplié du