de la partie des
Escoçcoyz, et ung
chevalier de Suede qui s’appelloit
messire George de Wesmede, et
porte ung escu d’argent a ung
fer de moulin, et une bordure
endentee de gueules
de trieme
soude.
¶ D’aultre part messire
Thomas Montsegrane fist son
filz chevalier qui s’appelloit Thomas
et aulcuns aultres de son hostel.
et de sa congnoissance. Aussi
firent le sire de Stafort et le
sire de
Grascot. Si ordonnerent
leurs archiers et mistrent sur
ele, et fut ce jour le cry des
An
gloys Nostre Dame !
Harleton ! La
commencerent archiers a trai
re et gens d’armes a besoingner.
Mais touteffoys les
Escoçoys estoient grant foison, si ne
pouoient
mie les archiers par
tout entendre. La y eut fait
entre ces chevaliers et escuiers
de
l’une partie et de l’aultre
mainte jouste et mainte belle
appertise d’armes, et pluseurs
hommes renverséz jus de leurs
chevaulx, faite mainte prise
et mainte rescousse
de la premiere
venue.
¶ Messire Archembault
Donglas, qui estoit ung vaillant
chevalier durement craint
de ses ennemis, quant ilz
deurent approuchier mist pié
a
terre, et print a son usaige
une longue espee qui avoit
d’alemelle bien deux aulnes.
A paine la peust ung aultre
lever sus de terre, mais elle
ne lui coustoit riens a lever ne
a manier, et en donnoit les coups
si grans que
tout ce qu’il acon
suyvoit il mettoit par terre.
Et n’y avoit si hardy ne si joliz
de la
partie des
Anglois qui ne
doubtast ses horions. La eut
belle bataille et dure et bien
combatue de tant qu’elle dura,
mais ce ne fut pas planté.
Car les
Escoçoyz estoient trois
contre ung, et tous gens de
fait. Je ne dy mie que les
Anglois ne s’i
portassent tres
vaillamment, mais y firent planté
de belles apertises d’armes, mais
finablement ilz furent des
confitz, et obtindrent les
Escoçoys la place.
Et furent pris messire
Thomas Montsegrane et son
filz, et pluseurs
aultres chevaliers
et escuiers, et eurent les
Escotz VI
XX bons prisonniers, et dura
ceste chasse jusques a la
riviere
de Tinde, et la en y eut de mors
et occis de ceulx de pié grant
nombre. Si se
retrayrent les
Escoçoys aprés ceste desconfiture
sur leur
paÿs, et eurent conseil
que ilz s’en yroient tous devers
Haindebourg. Car ilz sçavoient
par leurs prisonniers que le
conte de Nothombrelande, et
le conte de Nortinghen estoient
sur le paÿs pardela
le
Tinde sur le chemin de
Rosebourg,
et estoient gens asséz
pour
combatre les
Escoçoyz et toute
leur puissance par quoy leur
pb 17 v