Et, se elle lui eschiet en cuer, elle
sera royne de
France." Ainsi
alerent les premieres conve
nances, ne plus n’y
eut dit ne
fait. Et ne sçavoit le roy de
France reins que on eust parlé
de
son mariage. Et quant
le duc Fredryc fut
retourné en
Baviere, il remonstra toutes
ces choses a son frere
le duc
Estienne, qui pensa moult lon
guement sus, et lui respondit :
"Beau frere, je croy moult bien
qu’il soit ainsi comme vous
me dites, et ma
fille seroit bien
eureuse, se elle pouoit venir et
escheoir a si hault honneur
comme d’estre royne de France.
Mais il y a moult loing d’icy,
et si a trop
grant regart a fere
une royne et femme du roy.
Si seroye trop courroucié, se
on avoit mené en France ma
fille, et puis elle me fust
renvoiee.
J’ay assés plus chier que je la
marie a mon aise deléz moy."
Ce fust
la response que le duc
Estienne avoit donnee a son
frere, de quoy
le duc Fredryc s’en
contentoit assés, et en avoit
escript assés sur celle fourme
a
son oncle le duc Aubert et
a
madame de Brabant, aux
quelz il en avoit parlé a son
retour, et cuidoit bien que
on eust mis en nonchaloir
toutes ces choses. Et aussi on
parloit du mariage du roy
de France ailleurs, et se fust le
roy assés tost
accordé a la fille
du duc de Lorraine, car elle estoit
moult belle damoiselle
et de son
aage ou assés pres, et de grant
et noble generacion de
ceulx
de Blois. Et aussi parlé fut de
la fille du duc de Lanclastre,
qui depuis fut royne de Por
tingal, mais on n’y pouoit
trouver nul bon moien pour
leur
guerre, si demoura la chose
en cest estat. Si remist sus la
duchesse de Braibant, quant
elle fut a
Cambray aux maria
ges dessus dis de
Bourgoingne et de Haynault, et le roy et ses oncles
y furent, le
duc de Bourgoingne et le duc de Bourbon, le
mariage
de
Baviere, et dist que c’estoit le
plus prouffitable et le plus
honnourable, pour la cause des
aliances qui en pouoient descendre
et venir des
Alemans, qu’
ellen en sçeust pour le present pour le
roy. "Voire, dame," respondirent
les oncles du roy, "mais nous
n’en ouons
nulles nouvelles."
"Or vous taisés," dist la duchesse,
"je
la feray traire avant, et en
aurés nouvelles en cel esté sans
nulle faulte." Les
promesses
de la duchesse furent vraies,
car elle fist tant que le duc
Fredryc, son oncles, en fina a son
frere de l’amener, si comme vous
orrés. Et dissoient en chemin qu’ilz
aloient en
pelerinage a
Saint
Jehan d’Amyens. Toutes gens
le supposoient ainsi,
car
Alemans pb 307 v