pb 100 vtout. Aprés chevaucherent les dis duc et messire Philippe en robant et pillant les villes et le païs
par ou ilz
passoient jusques a Bretueil que ilz refreschirent. Et pour ce qu’ilz trouverent
que
la cité et le chastel d’Evreux avoient esté de nouvel rendus au roy de
France qui longuement
y avoit fait siege et avoit esté la cité toute arse et l’eglise cathedral toute robee, tant par
les
Navarrois qui rendirent
le chastel par composition comme par aucuns des gens du roy
de France
qui y estoient a siege, les dis duc et messire Philippe alerent a Vernueil
ou Perche et prindrent la ville et le chastel et pillerent tout et ardirent
partie
de la ville. Le roy de France, qui avoit fait sa semonce tantost qu’il
oÿ nouvelles du duc
de Lencastre, ala aprés a grant compaignie de gens d’armes
et de gens a pié. Et le suivy
jusques a Condet en alant droit vers la ville
de Vernueil et s’en aloient vers la ville de
Laigle. Et les suivy le roy
jusques a
Tueveuf a deux lieues de la ville de Laigle. Et la
fut dit
au roy qu’il ne les pourroit suivir car il y avoit grans forestz ou ilz se bouterent
sans
ce qu’il les peust avoir. Et pour ce retourna le roy a tout son ost. Et vint devant
le
chastel de Thilieres que l’en disoit estre en la main des
Navarrois. Et
le prist
le roy et y mist gardes. Aprés vint devant le chastel de Bretueil
ouquel avoit
gens depar le roy de Navarre. Et y fu le roy a siege environ
deux mois. Et donc
lui fu le chastel rendu. Et s’en alerent ceulx
de de dedans la ou ilz
vouldrent
a tout leurs biens.
SHF 1-371 sync
¶ Du mandement que le roy de
France fist pour combattre le prince de Galles qui chevauchoit en Berry. VIIXX XVIIIe chapitre.
Quant le roy Jehan de France eut fait ses chevauchees et ainsi
reconquis en la
Basse Normandie les villes et les chasteaulx du roy de
Navarre qu’il faisoit tenir
en prison et il fut retraict en la
cité de Paris, il n’y
eut gueres sejourné quant il
ouy dire que le
prince de Galles atout son effort estoit
ja moult avant entré en
son païs et aprouchoit durement le
bon païs de Berry. Lors dist le roy et jura qu’il
chevaucheroit contre lui et le combattroit
quelque part qu’il le trouveroit. Et dont fist
le roy de rechief ung tresespecial
mandement a tous nobles et fiefz tenans de lui que
nul sus peine de soy trop grandement
meffaire ses lettres veues, ne s’excusast ne
ne demourast qu’il ne venist devers lui sur les
marches de
Bloiz et de
Touraine car il vouloit combattre
les
Anglois. Et le roy pour haster sa besongne se party
de
Paris car encores tenoit il grant foison de gens d’armes sur les champs. Si
vint a
Chartres pour mieulx aprendre du convenement des
Anglois et
la s’arresta.
Et toudis lui venoient gens d’armes a effort de tous coustéz d’
Auvergne, de
Berry,
de
Bourgongne, de
Loraine, de
Haynnault, de
Vermendoiz, de
Picardie, de
Bretaigne et
de
Normandie. Et tout ainsi
qu’ilz venoient, ilz passoient oultre et faisoient leurs
monstres. Et se logoient sur le païs par
l’ordonnance des mareschaulx,monseigneur
Jehan de Cleremont et monseigneur Ernoul d’Audrehen. Et faisoit le roy grossement pourveoir
et
refreschir ses forteresses et garnisons de bonnes gens d’armes d’
Anjou, de
Poitou, du
Maine, de
Touraine sur les
marches et frontieres par ou on esperoit
que les
Anglois devoient passer
pour eulx clorre le pas et tollir vivres et pourveances
qu’ilz ne peussent nulles recouvrer pout
eulx ne pour leurs chevaulx. Non
obstant tout le
prince et sa route ou bien avoit II
M hommes d’armes et VI
M archiers
chevauchoient a leur aise et recouvroient de tous vivres a grant foison. Et
pb 101 r