pb 101 vLes
Anglois qui ja estoient bien avant sentans l’effroy des chevaulx derriere eulx,
apperceurent
que c’estoient leurs ennemis qui se hastoient. Si s’arresterent tout a ung faictz
et
attendirent les
François qui venoient de grant voulenté tous adviséz de
ce qu’ilz devoient faire
tous serré et les lances abaissees. Et ainsi vindrent courant jusques
aux
Anglois lesquelz
se s’ouvrirent et laisserent les
François
passer oultre. Et n’y eut en celle empainte
que cinq ou six ruéz
par terre et non plus. Et puis recloïrent tantost et remisrent
ensemble et vindrent aux
François. La eut tout a cheval grant et fors pongneys d’armes
et de lances et dura
treslonguement. Et y eut plusieurs chevaliers et escuiers abatus d’un
costé et d’autre et puis
par force relevés et rescouz. Et dura ceste chose une bonne espace
fort entouylliers l’un en
l’autre. Et tant se combattierent vaillamment que endementiers
qu’ilz estoient en tel estat la
bataille des mareschaulx commenca a apourcher. Et
l’aperceurent les
François comment elle venoit costiant ung bois. Lors se partirent
qui mieulx mieulx
et prindrent l’adresse devers Roumorentin. Et les
Anglois Anglois aprés ferant, batant sans nul espargnier ne leurs chevaulx.
La eut
grant estour et dur et maint homme mis a meschief et reversé par
terre. Toutefois
la moittié ou plus se bouterent dedans le chastel de Roumorentin
qui leur fu tout
appareillié. Si se sauverent les trois barons et aucuns chevaliers
et
escuiers les mieulx montés. Et toutesfois la ville de Roumorentin fu
prinse des
Anglois de leur premiere venue. Car lors il n’y avoit gueres de
forteresse. Et chascun des
François aussi entendi a lui sauver et
bouter au
chastel.
SHF 1-373 sync
Comment le prince de Galles prist le chastel de Roumrentin. VIIXX XIXe chapitre.
Les nouvelles vindrent au
prince que ses gens avoient eu rencontre.
Lors
fist arrouter son ost devers Roumorentin et vint en la ville
qui estoit
toute plaine de ses gens. Et si estudioient comment a leur advantage ilz pourroient
prendre le chastel. Lors dist le
prince a
monseigneur Jehan Chandos qu’il alast parler aux chevaliers de leans.
Et dont messire Jehan vint devant
les barrieres du chastel et fist signe qu’il vouloit parlementer
d’aucune chose. Ceulx
qui
enque estoient a la garde. Si enquisrent son nom et depar qui
il estoit la
envoyé. Puis le noncerent a leurs maistres. Adont s’avalerent monseigneur
Bouciquant et l’
Ermite de Chaumont et vindrent jusques aux barrieres. Quant messire Jehan les vit
il les salua et dist:"Seigneurs, je suis cy envoié depar
monseigneur le prince qui
veult estre moult courtois a ses ennemis si comme il me
semble. Il dist ainsi que se vous vouléz
rendre ceste forteresse et vous mettre en
sa prison, il vous prendra a mercy et vous fera tresbonne
compaignie." Messire
Boucicault dist: "Nous n’avons nulle voulenté de nous mettre en tel party
d’armes
ne faire si grant folie quant il n’est encores nul besoing. Nous sommes tous confortés
de nous
deffendre." Lors se departirent et commanda le
prince que toutes manieres de gens
se
logassent. Car l’endemain il vouloit faire assaillir le chastel. Si se logerent dedans
la
ville de Roumorentin et dehors aussi a leur aise.
SHF 1-374 sync L’endemain matin se armerent gens d’armes
et archiers et se trairent chascun a sa
baniere et commencerent a assaillir le chastel tresasprement.
Les archiers se
tenoient sur les fossés et traioient si ounyement que a paine osoit nul
apparoir aux deffenses.
Et aucuns nagoyent sur huis et sur clayes, pics, hoyaulx, arcs
et saiettes en leurs mains et
vindrent au fons houer et picqueter. Ceulx qui estoient dedans
gettoient pierres et poz plains
de chaux. La fu occis du costé des
Anglois ung escuiers
pb 102 r