pb 102 rnommé Raymon de Zedulach. Et estoit de la route du
Captal de Beuz.
Cel assault dura tout le jour
a bien pou de repos. Puis se trairent les
Anglois
en leurs logis. Et entendirent les haictiéz a
mettre a point les navréz et passerent la nuyt.
Quant les souleil fut levé les mareschaulx
de l’ost firent sonner leurs trompettes.
Lors se mistrent en conroy tous ceulx qui pour assaillir
furent appelléz. A cest assault fut le
prince personnellement. Et pour sa presence s’efforcerent
moult les
Anglois. Et prez de lui fu occis d’un gect de pierre ung escuier appellé Bernard
de
Labret. Lors jura le
prince que jamais ne partiroit de la si auroit le chastel
et
ceulx de dedans a sa voulenté. Et dont renforça l’assault de toutes pars. Si ymaginerent
aucuns soubtilz hommes d’armes que pour traire et lancier on se traveilloit en vain. Ains
ordonnerent a porter canons avant et a traire carreaulx et feu gregois dedans la
basse court.
Si que toute la basse court fu embrasee. Et se multiplia tellement ce feu
qu’il entra en la
couverte d’une grosse tour qui estoit couverte de chainne. Quant ceulx de
dedans
apperceurent qu’il leur convenoit rendre ou perir par feu. Tantos le sire de Craon,
le seigneur Bouciquaut et l’
Ermite de Chaumont descendirent aval et
se rendirent a la voulenté
du
prince qui les fist chevaucier et aler avec luy comme
ses prisonniers et plussieurs autres
chevaliers et escuiers qui estoient ou chastel de
Roumorentin qui fu laissié tout vaque et essillié.
SHF 1-375 sync
Du grant ost que le roy de France
conduist a la bataille de Poictiers. VIIIXX chapitre.
Apres la prinse du chastel de Roumorentin et des
chevaliers dessusnomméz le
prince et
ses gens chevaucherent comme devant
destruisant le païs et aprouchant
Anjou et
Touraine. Le roy de France, qui estoit a
Chartres, s’en partit et vint a
Bloiz ou il se
arresta deux jours, puis vint gesir a
Amboise et l’endemain a
Loches. La entendi
nouvelles que les
Anglois estoient en
Touraine et qu’ilz prenoiient leur retour vers
Poictou.
Car tousjours estoient les
Anglois costiéz par
aucuns apers chevaliers de France et de
Bourgongne qui
adéz mandoient au roy la certaineté d’eulx. Puis vint le roy a la Haye
en Touraine.
Et ses gens avoient passee
Lair au pont d’Orleans, a Meun, a Saumur, a
Bloiz, a
Tours et la ou ilz pouoient. Et y avoit si grant nombre de bonnes gens ilz etoient bien
XX
M hommes d’armes sans les autres. Si y avoit bien XXVI que
ducs que contes
et plus de VII
XX bannieres. Et les IIII filz du roy y estoient moult jeusnes, le duc
Charles de
Normendie, monseigneur Loÿs, qui fu depuis
duc d’Anjou, monseigneur Jehan
aussi, qui fu depuis
duc de Berry, et monseigneur
Philippe maisné, qui depuis fu
duc de
Bourgoingne. En ce temps
avoient esté envoiéz en France depar le
pape Innocent VIe messire Taleran, cardinal de Pierregort, et messire Nicole,
cardinal d’Argel, pour
traittier paix entre le roy de France et ses malvueillans,
premierement contre le roy
de Navarre qu’il faisoit tenir en prison et en avoient ces
deux cardinaulx
parlementé par plusieurs fois au dit roy
le siege de Breteul durant mais riens
n’avoient empetré. Or s’estoit traict
le dit cardinal de Pierregort en la
cité de Tours.
Et la ouy nouvelles que
le roy de France se hastoit durement pour trouver
les
Anglois. Si
se party de tous hastivement. Et chevauça devers la
cité de Poitiers car il entendi
que ces deux ostz y tiroient a venir.
SHF 1-376 sync Nouvelles
vindrent au roy de France que le
prince de Galles se hastoit
pour
retourner dont il s’estoit venu. Si se doubta le roy qu’il ne luy
eschapast. Et se
party le roy de la Haye de Touraine et toutes ses gens aprés luy.
pb 102 v