pb 96 v
France. Le premier jour
d’avril ensuivant se combati monseigneur Guy de Neelle,
mareschal de France, en
Xaintonge a plusieurs
Anglois et
Gascoings et fu
le dit mareschal et ses gens desconfitz. Et y fu prins le dit mareschal,
monseigneur Guillaume, son frere, monseigneur Ernoul
d’Audrehen et plusieurs autres. Le
jour de Pasques Fleuries qui furent le dix
me jour d’avril, l’an mil III
C LI, fu
presenté a Gille Rigault de Roucy, qui avoit esté abbé de Saint Denis
et de nouvel avoit esté cardinal, le chappel rouge au
palais a Paris en la
presence du roy Jehan par les evesques de Laon et de Paris et par
mandement du pape fait a eulx par bulle, ce qui n’avoit point a
coustumé estre fait
autre foys. Mais fu a la priere du roy Jehan. En
septembre ensuivant
fu recouvré des
Françoys la
ville de Saint
Jehan d’Angely que les
Angloys avoient tenue environ cinq ans.
Et fu rendue par les
gens du roy anglois pour ce qu’ilz n’avoient
nulz vivres et sans bataille aucune.
GCF 6-3 sync Ou moys d’octobre ensuivant
fu publiee la
confrairie de la noble maison de Saint Onyn pres
de Paris par le roy Jehan et
portoient ceulx qui en estoient chascun
une estoille en son chapperon et par devant en son
mantel. Cel
an fu plus grant cherté de toutes choses qu’on n’avoit veue de
memoire donné par tout le
royaume de France. Car ung sextier
de blé valoit
a
Paris huit livres parisis, ung sextier d’avoyne
LX solz parisis, ung sextier de poiz huit solz et les autres grains a la
value. Ce moys d’octobre le jour que la
confrairie de saint Onyn fu
celebree prindrent les
Angloys la ville de Guynes durant les
treves.
Cel an fu fait le mariage du connestable de France et de
la
fille
monseigneur Charles de Bloiz.
GCF 6-4 sync
¶ Du roy de Navarre qui fist occire monseigneur Charles d’Espaigne, connestable de France, VIIXX XVe chappitre.
En l’an mil III
C LII, la veille Nostre Dame my
aoust, se combaty monseigneur Guy de Neelle,
seigneur d’Offemont, lors
mareschal de France, en
Bretaigne et fu le dit
mareschal occis
en la bataille, le sire de Brignebec, le chastelain de Beauvoiz, et
plusieurs
autres nobles tant du
paÿs de Bretaigne comme d’autres marches du
royaume de France.
Le quatriesme jour de septembre se
deut combatre a
Paris le duc de Bresme contre
le duc de
Lencastre pour parolles que icellui duc de Lencastre devoit avoir dictes
au
duc de Bresme, dont il appella en la court du roy de France et vindrent ces
deux ducs
en champs tous arméz pour combatre en unes lices qui
pour celle cause furent faictes ou pré aux
clers, l’Alement demandeur et l’Angloys, deffendeur. Et ja soit ce que l’Engloys fust ennemy
du roy de
France et que par sauconduit il fust venu soy combatre pour garder son honneur.
Toutesvoyes le roy de France ne souffry pas qu’ilz se combatissent, mais depuis qu’ilz
eurent
faiz les serements et qu’ilz furent montéz a cheval pour combatre, les glaives ou poing,
le roy
prist la besoingne sur lui et les mist accord. Le VI
me jour de decembre ensuivant
mouru le
pape Clement VIe en
Avignon en le onziesme an de
son pontificat. Et le XI
me jour d’icellui moys
ensuivant fu esleu en
pape environ heure de tierce ung cardinal
limosin
qu’on appelloit par son tiltre le cardinal d’Ostie, mais pour ce qu’il avoit esté evesque
pb 97 r