pb 98 v
Nantes en Bretaigne. Et en entra dedans le chastel par eschielles environ LII.
Et le prindrent, mais monseigneur Guy de Rochefort, qui en estoit cappitayne et estoit
en la ville dehors le chastel, fist tant par assault il le recouvra en la nuit mesme et furent
ces LII Anglois mors ou priz. GCF 6-10 sync A Pasques l’an mil IIIC LV, le roy Jehan envoya en Normandie son
ainsné filz, Charles, daulphin de Viennoys, son lieutenant, et y demoura tout l’esté et lui octroierent
les gens du paÿs troys mille hommes d’armes pour troys moys. Item, ou moys d’aoust ensuivant
le roy de Navarre vint de Navarre et descendy ou chastel de Chierebourc en Constantin.
Et avecques luy environ IIM hommes que ungs que autres. Et furent plusieurs traictiéz entre
les gens du roy de France et du roy de Navarre. Et envoyerent par plusieurs foys de leurs
gens l’un des dis roys pardevers l’autre. Et ceulx qui depar le roy de Navarre estoient
ou chastel d’Evreux et au Pontaudemer pilloient le paÿs d’environ et vindrent aucuns
ou chastel de Conches, qui estoit en la main du roy de France, et le prindrent et
le garnirent de vivres et de gens et plusieurs autres choses firent les gens du
roy de Navarre contre les gens du roy de France. Et finablement fu fait accord
entre eulx et ala le roy de Navarre devers le daulphin ou chastel de Valderveil.
Et le daulphin le mena a Paris. Et le XXIIIIe jour de septembre vindrent a Paris
devers le roy de France ou chastel du Louvre et en la presence de plusieurs le roy de
Navarre. Premierement fist la reverence au roy de France et s’excusa de ce qu’il estoit party du royaulme
de France et avec ce que l’en lui avoit rapporté que aucuns le devoient avoir blasme devers
le roy, si requist qu’il lui voulsist nommer ceulx qui ce avoient fait. Et puis jura
que aprés le mort du connestable il n’avoit fait chose contre le roy que loyal homme
ne peust et deust faire et neantmoins requist au roy qu’il lui voulsist tout
pardonner et le tenir en grace et lui promist qu’il lui seroit bon et loyal si comme filz
doit estre a pere et vassal a son seigneur et donc lui fist dire le roy de France
par le duc d’Athenes qu’il lui pardonnoit tout de bon cueur. De l’imposition et gabelle
ordonnee en France par les troys estaz pour le fait de la guerre. VIIXX XVIe chappitre.
Item, en cellui an mil IIIC LV ala le prince de Galles, ainsné filz du roy d’Angleterre,
en Gascongne ou moys d’octobre et chevaucha jusques pres de Tholouse. Puis
passa la rivere de Garonne et ala a Carcassonne et ardy le bourc. Mais il ne peust
forfere a la cité car elle fu deffendue et de la ala a Nerbonne ardant et essillant
le paÿs et au moys de novembre retourna a Bourdeaux a tout grant pillage et
foison de prisonniers sans ce qu’il trouvast qui lui donnast aucune chose a faire
et toutes voyes estoient ou paÿs le conte d’Armignac lieutenant du roy de France en
Languedoc, le conte de Foiz, monseigneur Jacques de Bourbn, conte de Pontieu et connestable
de France, et monseigneur Jehan de Cleremont, mareschal de France, a plus grant
compaignee que n’estoit le prince de Galles. GCF 6-11 sync Cel an en la fin d’octobre descendy
le roy d’Angleterre a Calaiz, si chevaucha jusques a Hedyn et rompy le parc et ardy
les maisons qui estoient au dit. Mais il n’entra point ou chastel ne en la ville.
Et dont le roy de France, qui avoit fait son mandement a Amiens tantost qu’il
eust ouy nouvelles des dis Anglois, s’i chevaucha devers le roy d’Angleterre qui
lors retourna a Calaiz et le roy de France ala aprés jusques a Saint Emer. Et lui
manda par le mareschal d’Outhain et par plusieurs autres chevaliers qu’il combatroyt pb 99 r