ou tout le
peuple estoit assemblé.
La endroit il fut lié hault sur
une eschalle, que tous, petis et
grans, le pouoient veoir, et avoit
on fait en la dite place ung grant
feu. Quant il fut ainsi lié,
on luy couppa tout premierement
le vit et les coulles, pour tant
qu’il estoit hereticque et sodomite,
ainsi que on disoit mesmement
du
roy. Et pour ce avoit deschacé
le
roy la
royne par son enhortement.
Quant le vit et les coulles luy
furent couppees, on les gecta ou
feu pour bruler, et aprés luy
fut tiré le cueur hors du ventre,
et gecté ou feu, pour tant qu’il
estoit faulx et traistre de cueur et
que par son traistre conseil et
enhortement le
roy avoit honny
son
royaume et mis a meschief
et avoit fait decoller les plus
grans seigneurs du
royaume,
par lesquielx le
royaume devoit estre soustenu et deffendu.
Et avecques ce avoit il si enhorté
le
roy qui ne pouoit ne ne vouloit
veoir la
royne, sa femme, ne
son
ainsné filz, qui devoit estre leur
seigneur. Ains les avoit des
chasséz pour doubtance de
leurs corps hors du
royaume
d’Angleterre. Aprés, quant le dit
missire Hue fut ainsi atourné
comme dit est, on luy couppa la
teste et fut envoyee a
Londres.