gnolz avoient couronné a
roy son filz.
Messire
Thomas Trivet et
messire
Guillaume Helmen respondirent et chascun
par
soy mesmes: "
Mes chiers seigneurs,
a la mort du
roy Henry ne au
couron
nement de
son filz ne fusmes nous
pas. Car par ce temps nous estions
retraitz en
Navarre. Maiz véz cy ung
herault qui y fut, si le
pouéz savoir
par lui, s’il vous plaist". Adonc fut
le herault
appelléz et interroguéz du
duc de Lancastre comment l’affaire
avoit alé. Il en
respondit ainsi et dist:
"
Monseigneur, a la requeste de vous
j’en
parleray. Entrementres que
mes
seigneurs qui cy sont, estoient a
Pam
pelune, qui attendoient l’acomplisse
ment des traittiéz qui fais estoient,
par leur
congié je demouray deléz le
roy de Navarre moult honnoréz de
lui et de ses
gens, me parti de
Pam
pelune en sa compaignie, et vint le
roy
a
Saint Dominige. ¶ Contre
sa venue issirent hors le
roy Henry a
grant gent, qui en amour
et par bonne
paix l’attendoit. Et fut le
roy de Na
varre moult honnouré de lui
et de
ses gens et lui donna ce soir a souper
moult honnestement. Aprés souper
nouvelles vinrent que ung sanglier
estoit ens es landes couchié pres de la.
Si fut ordonné
que l’endemain on le
yroit chacier. A celle chace furent les
deux roys et leurs veneurs et fut
le sanglier pris, et retournerent
en grant amour ce soir
a
Saint Do
minique. ¶ A l’endemain se parti le
roy Henry et s’en ala a
Pierre Ferrade pour une journee qu’il avoit la contre
ses gens. La lui prist une maladie
dont il mourut, et sceut sa mort le
roy de Navarre sur les champs.
Car il
le venoit veoir. Adonc retourna il tout
courroucié et je pris congié a lui en
son
paÿs. Si m’en alay en
Castelle pour
veoir et apprendre des
nouvelles et
trespassa le
roy Henry le jour de la Pen
tecouste.
¶ Asséz tost aprés, le XXV
e jour de juillet, le jour
saint Jaque et
saint Christofle, fut couronné le
roy Jehan
de Castelle, aisné
filz du roy Henry, en
l’
eglise cathedral de la cité de Burgues,
au quel
couronnement furent tous les
barons et les prelas d’Espaigne, de
Gallice, de
Corduen et de Sebille et
tous lui jurerent sur saintes Euvan
gilles a le tenir a
roy, et fist ce jour
CC et dix chevaliers et donna de
beaulx dons. A
l’endemain de son couron
nement a grant compaignie de nobles,
il s’en vint a une
abbaye de dames au
dehors de Burgues, que on dist le Sorchez.
La oït la messe et
disna, et la ot grans
joustes, et en ot grant pris le
viconte
de Roquebertin d’Arragon et ce soir re
tourna le
roy a
Burgues et durerent
ces
festes bien XV jours." Adonc deman
da le
duc de
Lancastre se le
roy de Por
tingal avoit point esté priéz d’avoir
la esté. Il
respondi: "Oil. Mais il n’y volt
venir. Et fus informé que il avoit res
pondu au
message qui y estoit alé que
au couronnement du
filz d’un bastart ne yroit il
point." "Par ma foy", respondi
le
duc, "de ces paroles dire fut
il bien
conseillé et lui en sçay bon gre, et les
choses ne demourront pas longuement
en cel estat. Car moy et
mon frere lui
challangerons l’eritage dont il se dit
roy." A tant finerent ces paroles, si de
manderent le vin.
¶ Nous nous
soufrerons maintenant de ceste matiere
pb 231 v