The Online Froissart

Facsimile mode Settings Browse | Collate

pb 238 r

hoirs et dist au pape que au plus tost qu’il
pourroit, il yroit si fort es parties par
dela que pour resister contre tous nuissans
a la royne de Napples. Si fut le duc de
Anjou aveques le pape environ XV jours
et puis s’en retourna il a Tholouse deléz
la duchesse sa femme et le pape Cle
ment. Si laissa ses gens d’armes messire
Bernart de la Sale et Florimont guer
roier et herier les Rommains.
SHF 2-100 sync En ce temps avoit en la marche
de Toscane en Ytalie ung vail
lant chevalier d’Angleterre qui s’apeloit
messire Jehan Hactonde, qui plusieurs
grans appartises d’armes y fist et avoit
faites au devant, et estoit issus hors
du royaume de France quant la paix
fut faitte et parlementee des deux
roys a Breteigny deléz Chartres. En
ce temps il estoit ung povre bachelier,
si regarda que de retourner en son
paÿs il ne pouoit riens proufiter. Et
quant il couvint toutes manieres de
gens d’armes widier le royaume de
France par l’ordonnance des traittiéz de
la paix, il se fist chief d’une routte de
compaignons qu’on appelloit les Tart
Venus, et s’en vinrent en Bourgoigne
et la s’assamblerent grant foison de
telz routtes d’Angloys, Bretons, Gascons, Allemans et gens de compaignes de
toutes nacions. Et fut Hactonde ung
des chiefs par especial aveques Briquet
et Carsuelle, par qui la bataille de
Brinay fut faitte, et aida a prendre
le Pont Saint Esperit aveques Bernard
de Sorges. ¶ Et quant ilz orent asséz
guerrié et herié le paÿs, le pape et les
cardinaulx, on traicta a eulx et vers
le marquis de Montferrant, qui en ce
temps avoit guerre aux seigneurs de

Milan. Ce marquis les emmena oultre
les mons, quant on leur ot delivré LXM
frans, dont Hactonde en ot a sa part XM
pour lui et pour sa routte. Quant ilz
orent achevee la guerre du marquis, les
plusieurs retournerent en France. Car
messire Bertran du Claiquin, le conte de
la Marche, le sire de Beaugeu et le ma
reschal de France, messire Ernol d’Endre
hen les envoierent en Espaigne contre
le roy dam Pietre pour le roy Henry, et
aussi le pape Urbain Ve les y envoya.
Messire Jehan Hattonde et sa routte demo
rerent en Italie, et l’embesoigna pape
Urbain tant qu’il vesqui contre les seigneurs
de Milan. Aussi fist pape Gregoire re
gnant aprés lui. Et fist cil messire Jehan
Hactonde avoir le seigneur de Coucy
contre le conte de Vertus et les Lombars
une tresbelle journee, et dient et de
verité les plusieurs que le sire de Coucy
eust esté rué jus des Lombars et du conte
de Vertus, se ce n’eust esté Hactonde qui
lui vint aidier a cinq cens combatans,
pour la cause que le sire de Coucy avoit
a femme la fille du roy d’Angleterre et
non pour nulle aultre chose. Cil mes
sire Jehan Hactonde estoit ung moult
aüréz et renomméz chevalier ens es
marches d’Ytalie, et y fist plusieurs grans
appartises d’armes, si s’aviserent les Rom
mains et Urbain qui se nommoit pape,
quant Clement fut parti de Romme,
qu’ilz le manderoient, et le feroient
maistre et gouverneur de toute leur
guerre. Si le manderent, et lui offrirent
grant proufit, et le retinrent lui et sa
route a solz et a gaiges, et il s’en aquita
loyaument. Car il aveques les Rommains
desconfist ung jour messire Sevestre
Budes et une grant route de Bretons pb 238 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.