furent sur la place ou mors ou pris. Et
messire Sevestre Bude admené prisonnier
a
Romme, et fut en grant
peril de estre
decolé, et au voir dire trop mieulx vaul
sist que pour l’onneur de lui et de
ses
amis que il l’eust esté au jour que il
fut admenéz a
Romme. Car
depuis le
fist le
pape Clement decoler en la
cité
de Mascons, et ung
aultre
escuier breton aveques lui, qui s’appelloit
Guillaume
Boileme, et furent souspeçonnéz de trai
son pour tant qu’ilz estoient issus hors
de la
prison des
Rommains et ne pouoit
on sçavoir par quel traittié et vinrent
en
Advignon et la furent ilz pris. De
leur prise fut coulpable le
cardinal d’A
miens. Car il les haioit des le temps
qu’ilz faisoient la guerre en
Rommenie
pour le
pape. Car ilz avoient sur les
champs rué
jus les sommiers du
cardi
nal d’Amiens, esquelx il avoit grant
finance de
vaisselle d’or et d’argent, et
l’avoient toute departie aux compai
gnons qui ne pouoient
estre paiéz de
leurs gaiges. Dont le
cardinal tint ce
fait a grant despit, et les
accusa couver
tement de traison.
¶ Quant ilz furent
venus en
Avignon il fut adviz que ilz
estoient
cauteleusement trait pour trahir
le
pappe, si furent pris et envoiéz a
Mascons et la decoléz. Ainsi se portoient
les affaires en ce temps ens es parties
de dela. Et vous di que
messire Ber
tran de Claiquin fut durement courro
cié
de la mort
messire Sevestre Budes,
son cousin, contre le
pape et contre
les
cardinaulx, et s’il eust vescu longue
ment, il leur eust remonstré ou fait
remonstrer que la mort de messire Se
vestre lui estoit desplaisant.
¶ Nous
nous soufrerons presentement a parler
de ces matieres,
et entrerons a parler
des guerres de
Flandres, qui commancie
rent en
celle saison, qui furent dures et
cruelles et de quoy grant foison de peu
ple furent mors
et exilliéz, et le paÿs
contournéz en telle violence qu’on disoit
adonc que en cent ans advenir il ne
seroit mie recouvré ou point ou les
guerres l’avoient pris, et
remonstrerons
et recorderons par quele incidence les
mauvaises guerres commencierent.
SHF 2-101 sync
Quant les haynes et tribulations
vinrent premierement en
Flan
dres, le paÿs estoit si plain et si rampli
de biens que merveilles seroit a racon
ter et a considerer, et tenoient les gens
des
bonnes villes si grans estas que
merveillez seroit a regarder et devéz
sçavoir que toutes
ces guerres et haines
meurent par orgueil et par envie que
les
bonnes villes de
Flandres avoient
l’
un sur l’autre,
ceulx de Gand sur la
ville de Bruges, et
ceulx
de Bruges sur la
ville de Gand, et ainsi les autres
villes les unes sur les
autres. Mais tant
y avoit de ressort que nulles guerres
entre elles principaument ne se
pouoit mouvoir ne eslever se leur sire le
conte ne le consentoit. Car il estoit
tant craint
et tant amés que nul ne
l’osoit courroucier. Aussi le
conte, qui
estoit sage et
subtil, resognoit si la
guerre et le mautalent entre ses gens
et lui, que onques seigneur
nul feïst
plus de lui, et fut premierement si
froiz et si
duc a esmouvoir la guerre
que nullement il ne s’i vouloit
bouter.
Car bien sentoit en ses ymaginacions
que quant le different y seroit lui
et
son paÿs en
seroit plus foible et
moins doubté de ses voisins. Encorez
pb 239 r