et estoit en devant le
jeune seneschal de
Haynault mort
sur son lit de la bosse a
Aubiez deléz Mortaigne car il y eust esté.
Si fist
le
conte de Flandres cinq batailles
et en chascune mist quatre
mil hommes.
La estoient ilz en grant voulenté de courir
sus leurs ennemis et
porta ce jour le
sire
de Lieureghen la baniere du
conte de Flan
dres.
Toutes ces batailles et ces ordonnances
faittes ilz approucherent, les cinq
batailles
oultre contre les troys, et de commancement
il n’en y ot que troys de la partie du
conte,
qui approuchassent ne assemblassent.
Car les deux estoient sur aelle pour recon
forter les batailles branlans.
¶ La estoit
le
conte, qui les prioit et amonne
stoit de bien faire et de
prendre la vengence
de ces enragiéz de
Gand qui leur avoient
fait tant
de peine, et disoit bien a ceulx
des bonnes villes: "Soiéz tous seürs se
vous fuiéz, vous seréz mieulx morts que
devant car sans mercy, je vous feray a
tous
trencher les testes." Et mist le
conte ceulx de Bruges en la premiere bataille
et
ceulx du Franc en la seconde et
ceulx
de Yppre et de Courtray en la tierce, et
ceulx de
Propringhes et de Berghes et
de Cassiel et de Bourbourc en la quarte
et il avoit retenu deléz lui
ceulx de
Lisle, de Douay et de Audenarde. Or se
assamblerent ces batailles et vinrent
l’un contre l’autre.
Rasse de Harsselles avoit la premiere bataille, car c’estoit
le plus oultrageux, hardi
et entreprenant
des autres. Et pour ce vouloit il estre des
premiers
assaillans, et en avoir l’onneur
se point en y avoit. Et s’en vint assambler
a
ceulx de
Bruges que le
sire de Gui
stelles et ses freres menoient. La ot, je
vous di, grant bouteiz et grant pousseiz
des premiers
venus. Aussi d’autre part
les autres batailles s’assamblerent. La en
y ot plusieurs
renverséz par terre a ce
commancement d’une part et d’autre
et y faisoient les
Gantoys plusieurs ap
partises d’armes. Mais ceulx du
conte estoient
trop plus grant foyson, quatre
contre ung.
¶ La ot bon bouteys et qui
longuement dura ainçoys que on peust
veoir ne
sçavoir qui en aroit le meilleur
et se mirent toutes ces batailles ensamble.
La crioit on:
Flandres, au lyon! en reconfor
tant les gens du
conte, et les autres
crioient a haulte voix:
Gand!
Gand! Et
fut tel foys que les gens du
conte furent
en
adventure de tout perdre, et se ilz
eussent perdu terre, ilz eussent esté des
confitz et mors
sans recouvrier. Car
Pietre du Boys et bien six mil hommes
estoient sur les champs, qui bien les veo
yent combatre. Mais ilz ne les pouoient
conforter pour ung grant palut d’eaue
et de maréz qui estoient entr’eulx et
les
combatans. Mais se le
conte eust
perdu ce jour et que ses gens eussent
fouy
par cause de desconfiture,
Pietre
du Boys leur feust sailliz au devant
et
les eust euz a voulenté, ne ja pié
n’en feust eschappé ne
conte ne aultre,
que
tous n’eussent esté mors sur la
place ou en chace. Dont ce eust esté
grant dommaige car
en
Flandres n’eust
point eu de recouvrer.
SHF 2-202 sync
Comment les Gantoys furent
ars dedens l’eglise de
Nieule et comment les Blans Chappe
rons occirent plusieurs nobles hommes de la partie du conte de Flandres.
Rasse de Harselle et
Jehan de Lau
nay
ne
Gap: sampling pb 288 r