que ilz venroient a
Londres devers le
roy et envoierent de leurs gens et de leurs
compaignons
oultre
la Tamise en
Exse
sesxs, en
Souxsexes, en la
conté de Stanfort
et de Boutefort parler au peuple que
tous
venissent de l’autre costé a
Londres.
Si enclorroyent
Londres, ainsi ne leur
pourroit estoupper le pas. Et estoit leur
entention que le
jour du Sacrement
ou l’endemain ilz se trouveroyent tous
ensemble. Ceulx qui
estoient en
Can
torbie entrerent en la ville de Saint
Thomas
et y firent moult de desroys
et pillerent et fusterent la chambre
de l’
archevesque, et disoient en pillant
et emportant hors: "Cilz
chancelliers
d’Angleterre a eu bon marchié de ce
meuble. Ilz nous rendra compte tem
prement de ces
revenues d’
Angleterre et des grans prouffis que il a levéz de
puis le
couronnement du
roy d’Angle
terre."
¶ Quant ilz orent ce lundi
fusté et pillié l’
abbaye de Saint Tho
mas et l’
abaye de Saint Vincent, ilz se
partirent ce lundi au
matin et tout
le
peuple de Cantorbie aveques eulx
et prindrent le chemin de
Rocestre et enmenoient toutes gens des villa
ges a destre et a senestre,
et en chemi
nant et alant ilz abbatoient et foul
droient comme la tempeste maisons
de
advocas et de procureurs de la court
du
roy et de l’
archevesque et n’en
a
voient nulle mercy. Quant ilz fu
rent venuz a
Rocestre, on leur fist
grant chiere. Car les
gens de la ville les attendoient, qui estoient de leur
secte,
et alerent ou
chastel et prirent
le chevalier qui gardien en estoit et capi
taine de la ville, et se nommoit messire
Jehan Mouton, si lui dirent: "Il fault
que vous en venéz avequez nous, et
que vous soyéz nostre souverain meneur
et capitaine pour faire ce que nous
vouldrons." Le
chevalier s’excusa
moult bellement et remonstra plu
sieurs raisons d’excusances, se elles
peussent
valloir. Mais nennil. Car
on lui dist: "
Messire Jehan,
messire
Jehan, se vous ne faitez ce que nous
voulons, vous estes mort!" Le
cheval
lier veoit ce peuple tout foursené
et appareillié de lui occirre, si doubta
la mort et
obeÿ a eulx et se mist oul
tre son gre en leur route.
¶ Tout
en tele maniere avoient fait ceulx
des autres contrees d’
Angleterre,
d’
Exsexez, de
Sesesexez, de
Kent, de
S
tanfort, de
Betefort, de l’
eveschié
de Verdvich,
et jusquez a
Genomme et a
Lune. Et mis les chevaliers et les
gentilzhommes en leur obeissance
et telz que le
seigneur
de Moylays,
un grant baron,
messire Estienne
des Halles et
messire
Thomas de Gis
hingnem et les faisoient venir avec
eulx. Or regardés la grant
desverie
se ilz feussent venuz a leur entente,
ilz eussent destruit
tous les nobles
d’Angleterre et aprés es autres na
cions tous menuz peuples se feus
sent eslevéz et
prenoient pié et ex
emple a
ceulx de Gand et de Flandres qui se rebelloient
contre
leur seigneur,
et en celle propre annee les
Parisiens le
firent aussi et trouverent a faire
les mailletz de fer dont ilz firent plus
de XX
M, si comme je vous recorderay
quant je seray venuz jusquez a la.
Mais
nous poursuiverons a parler
premierement de
ceulx de Angleter
re et des
marches dessus dittes.
pb 295 r