Quant ce vint le jour du Saint
Sacrement le
roy
Richart oÿ messe en
la Tour de Londres
et tous les seigneurs, aprés il entra
en sa barge et le conte de Sallebery, le
conte de Warvich, le conte de Suquesfort
et aucuns chevaliers et
nagerent a rive
pour venir
oultra la Tamise sur le ri
vaige en alant vers
la Riderde, un ma
noir du roy, ou plus avoit de X
M bons
hommes qui la
estoient descendus de
la
montaigne pour veoir le
roy et
pour parler
a lui. Quant ilz virent
la barge du
roy venir, ilz commencerent
tous a huer et
a donner un si grant cry
que il sembloit proprement que tous lez
deables d’enfer feussent
la descendus
en leur compaignie. Et vous di que ilz
avoient admené
messire Jehan
Mou
ton, leur chevalier, aveques eulx afin que se
le
roy ne feust venuz
et qu’ilz l’eussent
trouvé en bourde, ilz l’eussent devouré
et detranchié piece a piece,
tout ce lui
avoient ilz promis. Quant le
roy et
les seigneurs virent ce peuple qui
ain
si se demenoit, il n’y ot si hardi que tous
ne feussent effrayéz et n’eust pas le
roy
en conseil des barons qui la estoi
ent qu’il prist terre. Mais commencie
rent a waucrer la
barge amont et
aval sur la riviere. Adonc dit le
roy:
"Seigneurs,
que vouléz vous? Ditez le
moy, je suis cy venuz pour parler
a vous." Ilz luy dirent
de une voix ceulx
qui l’entendirent: "Nous voulons que
tu viengnes sur terre et nous
te mon
strerons et dirons tout au long ce
qu’il nous fault."
¶ Adonc respondi
le
conte de Sallebery pour le
roy et dist
ainsi: "Seigneurs, vous n’estes mie en
arroy ne en ordonnance que le
roy doye
maintenant parler a vous." A ces motz
il n’y ot plus riens dit et fu
le
roy conseil
lé du retourner et retourna ou
chastel
de Londres, dont
il estoit partiz. Quant
ces gens virent qu’ilz n’en auroient autre
chose, si furent tous
enflambés de ire
et retournerent en la
montaigne ou
le grant peuple estoit, et
recorderent
comment on leur avoit respondu et que
le
roy estoit raléz en
la Tour de Londres.
Adonc crierent ilz tous de une voix: "A
lons
tost a
Londres!" Lors se mirent ilz tous
a chemin et s’avallerent sur
Londres en fouldriant et abatant manoirs d’a
bayes et de advocas et de
gens de court
et vindrent es
faulxbourgs de Londres,
qui sont grans et beaulx,
si y abati
rent plusieurs beaulx hostelz, et par es
pecial les
prisons du roy que on dit
les
Mareschaucees. Et furent delivréz tous
les prisonniers qui estoient dedans et
firent en ces
faubourcs moult de desroys
et menaçoyent a l’entree du pont
ceulx
de Londres pour tant qu’ilz avoient clos
les
portes du pont, et disoient que ilz
arderoient tous leurs faubours et con
querroient
Londres par force et l’arde
roient et destruiroient. Toute la
commu
ne de
Londres, ou moult en y avoit de gens
qui estoient de leur acord, se mirent
ensemble
et demanderent: "Pourquoy
ne laist on ces bonnes gens entrer en
la
ville?
Ce sont noz gens et tout ce qu’ilz
font, c’est pour nous." Adonc de force il
couvint
que les portes feussent ouvertes.
Si entrerent dedans ces gens tous affa
méz et se
bouterent tantost par ces maisons
bien pourveuez de pourveances et s’ata
choient au
boire et au mengier. On ne
leur veeoit riens. Mais estoit on tous
appareilliéz de leur faire
bonne chiere
pb 296 v