ordonnance, bannieres et pennons ven
telans devant eulx ainsi que pour tan
tost traire et combatre, et estoit le
sire de Saintpy ou premier chief et l’un
des principaulx gouverneurs et condui
seurs pour tant que il congnoissoit le pa
ÿs mieulx que nulz des aultres. Ainsi com
me ilz venoyent tout le pas et aussi serréz
que nulles gens d’armes pevent et par
bonne ordonnance contreval ces prés
en approchant la ville, Pietre du Boys
et ses Flamens, qui estoient tous rengiéz
a mont hault sur la chaucee, geterent
leurs yeulx aval ces prés et virent ces
gens d’armes approuchier, si furent
moult esmerveilliéz et demanda Pietre
du Boys: "Par quel dable de lieu sont ve
nuz ces gens, et ou ilz ont passee la rivi
ere?" Si lui respondirent ceulx
qui deléz lui estoient: "Il fault que ilz soi
ent passéz par bacquéz huy toute jour
et si n’en avons riens sceu. Car il n’y a
pont ne passage appareillié sur le Lis
de cy a Courtray." "Que ferons nous?" dient
aucuns a Pietre, "yrons nous les comba
tre?" "Nennil," dist Pietre, "laissons les
venir, demourons en nostre force et en
nostre place, ilz sont bas et nous sommes
hault sur la chaucee. Se ilz nous vi
ennent assaillir, nous avons grant
avantaige sur eulx. Et se nous des
cendons orez sur eulx pour combatre,
nous nous fourferons trop grandement.
Attendons que la nuit soit venue tou
te noire et toute obscure, et puis aurons
conseil comment nous nous chevirons.
Ilz ne sont pas tant de gens que ilz nous
doient planté durer a la bataille. Et
si savons toutes les reffuges et ilz n’en
scevent nulz." SHF 2-319 sync ¶ Le conseil Pietre du
Boys fut creüz. Oncques ces Flamens