Phelippe et au roy Jehan, son tayon. Et au roy
Charles, son pere, bien et loyaulment, ne
oncquez ces troys ne me sceurent que de
mander et aussi ne feroit cellui cy, se il
avoit aage et congnoissance d’omme. Et
cuide
bien que de moy jugier il n’en soit
en riens coulpable, si ne lui ay que faire
de lui crier
mercy, maiz a Dieu vueil je
crier mercy et non a aultre, et Lui prie
bonnement qu’Il me
pardonne mez for
faiz." Adont prist il congié au peuple, dont
la greigneur partie
plouroit pour lui.
En cel estat morut maistre Jehan dez Maréz.
SHF 2-355 sync
Pareillement en la cité de Rouen
pour maistrier la ville en y ot
aucuns executéz et plusieurs raençon
néz aussi.
Et a
Rems, a
Chalons, a
Troyes, a
Sens et a
Orleans. Et furent
les villes tauxees a grans sommes de
flourins pour tant qu’ilz avoyent au com
mencement desobey au roy et fut levé
en celle saison parmi le
royaulme de
France si grande somme de florins que
mer
veille seroit du dire, et tout aloit au pro
ffit du duc de Berry, et du duc
de Bourgoi
gne. Car le jeunes roy estoit en leur gou
vernement. Au voir
dire, le connestable
de France et les mareschaulx en orent
leur part
pour paier leurs gens d’armez
qui les avoient serviz en ce voiage de
Flandres, et furent les seigneurs telz que
le conte de Blois, le conte de la
Marche,
le conte d’Eu, le conte de Saint Pol, le con
te de
Harecourt, le daulphin d’Auvergne,
le sire de Coucy et les grans barons de Fran
ce assignéz sur leur terres et paÿs a
prendre ce que le roy leur devoit pour
les services qu’ilz lui avoient faiz en
Flan
dres
et pour acquitier eulx envers leurs
gens. De ces assignacions je ne sçay
pas comment les
seigneurs en furent
payéz car tantost et freschement nouvel
les tailles
revindrent en leurs terres de
par le roy et sur leurs gens et convenoit
avant
toute oeuvre la taille du roy exe
cuter et estre paiee, et les seigneurs demou
rer
derriere. Or retournons a ceulx
de Gand et a Flandres.
SHF 2-356 sync
Vous savéz que quant le roy de France
se parti de
Courtray que la
ville de
Gand demoura en guerre
ainsi comme
en devant. Si estoient cappitaines de
Gand pour celle saison
Pietre du Boys,
Pietre le Mutre et
Françoys
Acremen et se renouvelloient ces cappitaines de
nouvelles gens et
souldoiers qui leur
vindrent de plusieurs païs et ne furent
de riens esbahiz de guerroier.
Mais aus
si frez, aussi nouveaulx que oncques mais
et entendirent ces cappitaines qu’il y
avoit
Bretons et
Bourguegnons en la
ville d’Ardembourch. Si s’aviserent qu’ilz
se trairoient celle part et les yroient veoir,
et se partiroient de
Gand Pietre du Bois et
François Acremen atout III
M hommes et
s’en vindrent a
Ardembourch. La ot grant
escarmouche, et de fait les
Gantoys gai
gnerent la ville. Mais il leur cousta moult
de leurs gens. Toutesfoiz
il y ot bien II
C souldoiers mors et fut la ville pillee et
courue et la greigneur partie arse et
puis s’en retournerent ilz a
Gand a tout
leur butin et leur conquest. Si furent
receuz a grant joie. Tantost aprés ilz
coururent
en la terre d’Aloz et de Ten
remonde et jusquez a
Audenarde et
pil
lerent tout le païs.
SHF 2-357 sync
Des aliances qui furent pourchasseez entre
les Anglois et les Flamens et des bulles que pape
Urbain envoya en Angleterre pour faire destruire tous ceulx qui
estoient Clementins.
Le
conte de Flandres, qui se tenoit
a
Lisle,
entendi comment les
Gan
tois s’avançoient de chevaulchier et de
pb 365 v