sans lui demander quele chose il queroit
ne ou il aloit ne a qui il estoit, ilz l’enclo
irent et la l’occirrent comme fole gent et
de petite congnoissance, ne oncques les
gentilzhommes qui la estoient ne le
porent sauver. Quant les Anglois en
virent le couvenant qui avoient l’ueil
a lui, si en furent tous forcennéz, aussi fu
rent les bourgois de Gand qui la estoient
et qui desiroient a esmouvoir la besoin
gne, par quoy un nouveau touillement
se remesist en Flandres. Adont dirent ilz
tous d’une voix, l’evesque et les chevali
ers: "Alons, alons! Ceste ribaudaille ont
tué nostre herault. Mais il sera chier com
paré ou nous demourrons tous sur la
place." Adont firent ilz firent ilz passer
oultre et avant leurs archiers et appro
chier ces Flamens. La fut fait un bour
gois de Bruges ou de Gand qui s’appelloit Loÿs de Vors, chevalier et tantost se commança
la bataille dure et merveilleuse. Car
au voir dire ces Flamens se mirent gran
dement a deffense. Mais ces archiers lez
commancerent au traire a berser et
a mener malement, et ces gens d’ar
mes entrerent en eulx a lances afilees,
qui de premiere venue en abatirent grant
foison. ¶ Finablement Anglois pour
ce jour obtindrent la place et furent la
les Flamens desconfiz, et se cuiderent re
couvrer pour entrer en Dunequerque.
Mais les Anglois en eulx reculant et
chaçant les menerent si dur et sy roide
que ilz entrerent avequez eulx en la vil
le et la en y ot sur les rues et sur la ma
rine grant foison de mors, aussi ilz se
vendirent moult bien. Car ilz occirrent
plus de IIIIC Anglois et furent trouvéz
depuis cy dix, cy douze, cy vint, cy trente,
ainsi comme ilz encontroient les Flamens
et ces Flamens se recueilloient et a