vous
envoieray tel champion
que vous doubteréz plus que
vous ne faictes de moy." Le sire
de Corasse,
qui ne fist compte
de ses menasses luy dist:
"
Va a Dieu! Va, faiz ce que
tu pourras! Je te doubte
plus mort que vif. Ja pour
telz parolles je ne perdray
mon heritaige." Ainsy se
partit le clerc du
seigneur
de Corasse et s’en retourna
je ne sçay quel part en
Castelongne ou en
Avignon et
ne mist pas a l’oubly
ce qu’il avoit dit au partir
au sire de
Corasse, car quant
le chevalier y pensoit le moins,
environ troys moys aprés
en
son chastel de Corasse,
la ou il se dormoit en son
lit deléz
sa femme, vindrent
messaigiers invisibles
qui
commencierent a tempester
tout ce qu’ilz trouverent
parmy ce chastel. Et
sembloit qu’ilz deussent
tout abatre, et frappoient
les coups si grans a l’uys
de la
chambre du seigneur
que la dame, qui y gisoit,
en estoit toute
effrayee.
Le chevalier oït bien tout
ce, mais il ne vouloit
sonner mot, car il ne vouloit
pas monstrer couraige
d’omme
esbaÿ. Et aussi il
estoit hardy asséz pour
attendre toutes adventures.