Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Show Page Image
Stonyhurst 1
Previous | Folio 19 r | Next
pb 19 r

tint encores deléz lui messire Jehan
de Haynault et toute sa route qui fu
rent grandement festiéz de madame
la royne et toutes les dames et re
nouvellerent tous les Haynnuiers
leurs chevaulx qui estoient tous en
fonduz et affoibliz au conseil du roy et
fist chascun somme pour lui de ses che
vaulx mors et vifs et de ses fraiz. Si en
fist le roy sa debte envers messire Jehan
de Haynaut et le dit messire Jehan
s’en obliga envers tous les compai
gnons. Car le roy et son conseil ne
porent sitost recouvrer de tant d’ar
gent que les chevaulx montoient
mais on leur delivra asséz par ray
son pour paier leurs menuz fraiz
et pour retourner ou paÿs et depuis
dedens l’annee furent ilz tous paiéz
de ce que leurs chevaulx montoient.
Quant les Haynuiers orent delivréz
leurs chevaulx ilz achaterent chascun
petites haguenees pour chevauchier
mieulx a leur ayse et renvoierent
leurs garçons, leurs harnois, sommiers
males et habis et mistrent tout en deux
nefs que le roy leur fist delivrer. Sy
arriverent ces besoingnes a l’Escluse
en Flandres et ilz prindrent congié
au roy et a madame la royne, au con
te de Kent et au conte Henry de Lancas
tre et aux barons qui grandement
les honnourerent et les fist accom
paigner de douze chevaliers et de deux cens
armeures de fer pour la doubte des
archiers dont ilz n’estoient mie bien
asseuréz. Car il les couvenoit passer
parmy leur paÿs, l’eveschié de Lincol
le, et se partirent messire Jehan de
Haynault et sa route au conduit des
sus dit et chevauchierent tant par
leurs journees qu’ilz vindrent a Dou

vres. La monterent ilz en mer, en nefs et
en vaisseaulx qu’ilz trouverent appareil
léz et les Anglois se partirent d’eulx qui
convoiéz les avoient et retourna chascun
en son lieu et les Haynuiers vindrent a
Wissant. La sejournerent deux jours en
mettant hors leurs chevaulx et le demou
rant de leurs harnois. Entrementres
vindrent messire Jehan de Haynault et
aucuns chevaliers en pelerinaige a Nostre Dame
de Bouloingne. Depuis s’en retournerent
ilz en Haynault et se departirent l’un
de l’autre chascun sur son lieu, mais mes
sire Jehan de Haynault vint devers son
frere qui se tenoit a Valenciennes. Adonc
ques lui recorda le sire de Beaumont
toutes nouvelles si avant que il savoit.
SHF 1-38 sync Ainsi fut celle chevauchee departie
que le roy le premier an de sa creacion
fist contre les Escocs. Ne demoura mie gran
dement de temps aprés ce que ce roy, ma
dame sa mere, le conte de Kent son oncle,
le conte Henry de Lancastre, messire Ro
gier de Mortemer et les autres barons
d’Angleterre qui estoient demouréz de
son conseil pour aydier a conseillier et lui
gouverner orent advis et conseil de le
marier. Sy envoierent un evesque,
deux chevaliers banneréz et deux bons clercs
a messire Jehan de Haynault pour lui prier
qu’il voulsist un moyen estre et mettre
bon conseil a ce que le jeune roy leur
sire feust mariéz par quoy monseigneur
son frere, le conte de Haynault et de Hol
lande lui voulsist envoier une de ses fil
les, car il l’auroit plus chier que une
autre pour l’amour de lui. Le sire de Be
aumont festia et honnoura ces messai
giers et commissaires du roy anglois
quanqu’il pot car bien le savoit faire.
Quant bien festiéz les ot il les mena a
Vallenciennes pardevers son frere qui pb 19 v