appertise pour chose que ceulx d’amont
gettassent, point ne reculloient mais
aloient tousjours avant. Et la estoient
sur les fossés le duc de Berry, le duc de
Bourbon, le conte d’Alençon, le daulphin
d’Auvergne et les grans seigneurs
qui admonnestoient leurs gens de
bien faire. Et pour la cause des seig
neurs qui les regardoyent s’avanço
ient les compaignons plus voulenti
ers et ne ressoingnoyent mort ne peril.
Messire Guillaume de Persy et les deux
escuiers d’onneur qui cappitaines esto
yent de la forteresce, regarderent com
ment on les assailloit de grant vou
lenté et que cilz assaulx ne reffroidoit
point ne ne cessoit, et que a ainsi conti
nuer ilz ne se pourroient tenir. Et sy
ne leur apparoit confort de nul cous
té si comme ilz supposoient, car se ilz
eussent sceu comment leurs gens
estoyent a moins de dix lieues d’eulz,
ilz se feussent encores reconfortéz et
a bonne cause, car bien se feussent
tenuz tant qu’ilz en eussent ouy nou
velles, mais point ne le sçavoient, et
pour tant entrerent ilz en traittié
devers le dit connestable pour eschiver
plus grant dommaige. Messire Ber
tran, qui estoit bien informéz que de
dens le soir ilz orroyent nouvelles
des Angloys et des Poittevins, enten
dy a leurs traittiéz voulentiers et les
prinst sauves leurs vies et se saysy
de la forteresce dont il fist grant feste.
Aprés tout ce il fist toutes ses gens
traire sur les champs et mettre en
ordonnance de bataille ainsi que pour
tantost combatre, et leur dist et fist
dire: "Seigneurs, advisiéz vous car les
ennemis approuchent, et esperons
encores annuit a avoir la bataille." pb 332 r