grosse abbaye de noirs moines qui siet sus
la riviere de Tuide, et le departement des
deux royaulmes, pour sçavoir s’il y avoit
la nulz Escocs embuschiéz et eulx et leurs
plus grosse route chevaucheroient vers
la Mourlane et a faire ce chemin il ne
pouoit estre que ilz n’ouyssent nouvelles
des Escocs. Sy fut ordonné capitaine de
ces gens d’armes qui devoient estre IIIC
lances et autant d’archiers un moult
vaillant chevalier qui s’appelloit messire Tho
mas Mousegrave. Sy se departirent ces
gens d’armes de l’ost et prindrent le che
min a destre et les autres a senestre et
chevauchierent tant messire Thomas
et son filz que ilz vindrent a Mauros et
la se logierent de haulte heure pour rafres
chir eulx et leurs chevaulx et pour en
querir justement ou les Escocs estoient
et envoierent deux escuiers des leurs
bien montéz pour chevauchier sus le
paÿs assavoir du convent des Escocs ne
ou ilz se tenoient. SHF 2-28 sync Ces deux escuiers
quant ilz se furent partiz de leurs mais
tres, chevauchierent tant que ilz s’emba
tirent sus une embusche des Escocs des
quelz messire Guillaume de Lindesore es
toit chief et se tenoit la a l’adventure pour
ouir nouvelles de Bervich et de son
nepveu, Alixandre Ramesay, en quel par
ty il pouoit estre des Angloys, et moult
le desiroit assavoir, et pouoit avoir avec
ques lui environ XL lances. Sytost que
ces Anglois furent entréz en leur embus
che, ilz furent happéz, dont le chevalier ot grant
joye et leur demanda de quelle part ilz
venoient. Enviz parloient pour descou
vrir le fait de leurs maistres mais par
ler leur convint, car le chevalier leur promist
que il leur touldroit leurs testes se ilz ne
disoyent verité de tout ce que on leur de
manderoit. Quant ce vint au fort et ilz