a la senestre main et monterent amont
vers une montaigne que on clame Saint
Gille. La estoient les deux coureurs d’Es
coce qui trop bien advisierent les An
gloys et qui tantost se partirent et retour
nerent a leurs maistres et leur dirent
le couvenant comment ilz chevaucho
ient et n’y avoient advisié que trois ban
nieres et dix pennons. De ces nouvelles
furent les Escocs tous resjouyz et distrent:
"De grant voulenté chevauchons vers eulx
ou nom de Dieu et de saint George, car ilz
sont nostres." Adonc prindrent ung cry
et me semble que tous devoient crier
Douglas ! Saint Gille !. Ilz n’orent pas che
vauchié une demie lieue quant ilz vy
rent leurs ennemis et les Angloys eulx.
Dont congnurent l’une partie et l’autre
que combatre les couvenoit. Sy fist le
conte de Douglas son filz, messire Jaques,
chevalier et lui fist lever baniere et la fist
il deux chevaliers des filz du roy d’Escoce, mes
sire Robert et messire David et tous deux
leverent banniere et y ot fait sur la
place environ XXX chevaliers de la partie
des Escocs et un chevalier de Suede qui s’appel
loit messire George de Vesmede et porte
un escu d’argent a un fer de moulin de
gueulles a une bordure endentee de
gueulles et de triemesonde. D’autre
part messire Thomas Mousegrane fist
son filz messire Thomas chevalier et autres
de son hostel. Aussy firent le sire de Sta
fort et le sire de Griscop. Sy ordonnerent
leurs archiers et les mistrent sur ele, et
fut ce jour le cry des Angloys Nostre Dame !
Arleton ! La commença ce rencontre
grans et fors et archiers a traire et a
ensonnier gens d’armes, mais toutef
foiz les Escocs estoient grant foyson, sy
ne porent les archiers partout enten
dre. La ot fait entre ses chevaliers et escuiers pb 366 r