Devant la ville de Saint Malo de l’Isle
ot moult grant siege et puissant
et fait maint assault car les Anglois qui de
vant se tenoient, avoient bien quatre cens
canons qui tousjours gettoient nuit
et jour dedens la forteresce. Le capitaine
qui s’appelloit Morfonace, moult vail
lant homme d’armes, soingnoit moult
bien et vaillamment du deffendre avec
ques les bons consaulx de messire Hervé
de Malatrait, du seigneur de Combor
et du seigneur de la Barliere et tant que
nulz dommaiges ne leur estoit encores
apparans. Sur les plains dedens le paÿs,
si comme je vous ay dit autreffoiz, estoit
toute la fleur de France, tant que de grans
seigneurs que d’autres, se trouverent
bien XVM hommes d’armes, chevalliers
et escuiers et estoient bien cent mille
chevaulx et plus et voulentiers eussent
combatu les Anglois et les Anglois aus
sy eulx en avoient grant desir. Sy pouéz
bien croirre que se ilz pveyssent le plus
bel. Mais ce qui leur brisoit leur pro
pos et brisa par plusieurs foys c’estoit
que il y avoit une grosse riviere
quant la mer retournoit entre les deux
hostz par quoy ilz ne pouoient venir l’un
a l’autre et tousjours se faisoit la mine,
bien s’en doubtoient ceulx de Saint
Malo. Vous devéz sçavoir que en telz
assemblees comme la avoit, ne pouoit
estre que a la fois les fourrageurs ne
se entretrouvassent sur les champs
car il y avoit des appers chevalliers
et escuiers jeunes d’un cousté et d’autre.
Sy en avoit d’un léz et d’autre a la foiz de
ruéz jus d’uns et d’autres et y avoit
plusieurs belles adventures. Les my
neurs du duc de Lancastre ouvrerent soin
gneusement nuit et jour en leur mine
pour venir pardessoubz terre dedens