affin que ceulx de l’ost sentissent et
congneussent que vaillamment ilz
c’estoient portéz. Sy se vindrent bouter
en l’un des coustéz
de l’ost en escriant
leur cry et en abatant tantes et trefz
et en bleçant et occiant gens et
tant
que l’ost se commença a effrayer dure
ment. Adonc se retrayrent
Morfona
ce et sa compaignie dedens
Saint Ma
lo sans point de
dommaige et ceulx
de l’ost s’armerent et se trayrent devant
la tente du duc de
Lancastre, qui fut
moult esmerveilléz de ceste malle ad
venture, et demanda que
ce avoit
esté et on lui recorda et dist que ce a
voit esté par la deffaulte du gait et
que on avoit perdue la mine et receu
ce dommaige. Adonc fut mandéz le
viconte
d’Arondel devant le duc de Lan
castre et le
conte de Cantebruge.
Sy fut
grandement accueilliz de ceste adve
nue et moult grandement reprins
mais
il se excusa au plus bel qu’il
pot. Et sy en fut, si comme je ay ouy dire,
tous honteux
et eust eu plus chier
a avoir perdu cent mille frans.
SHF 2-67 sync
¶ Ceste besoigne advenue et ceste
mine
perdue les seigneurs de l’ost se
trayrent tous ensemble en conseil
pour savoir quelle
chose ilz feroyent.
Sy regarderent l’un parmy l’autre
que ilz avoient perdue leur sayson,
laquelle chose n’estoit pas a recouvrer
et que de faire nouvelle mine ilz ne
vendroient jamaiz a chief car la sayson
s’en aloit
aval a mal, et l’iver approu
choit. Sy orent conseil tout consideré
que ilz se deslogeroient et s’en retray
roient
en
Angleterre. Adoncques fut
ordonné depar le duc de Lancastre
et de
par les mareschaulx du deslogier et
de rentrer en leur navire, qui gisoit
la a l’ancre ou havre de Saint Malo. Tan
tost furent deslogiés
et mis es vaisseaulx.
Ilz avoient vent a voulenté. Sy entrerent
en leur navie et singlerent devers
An
gleterre. Sy arriverent et prindrent
terre a
Hantonne et la yssirent de leurs
vaisseaulx et trouverent que messire
Jehan d’Arondel, le capitaine de Hantonne,
estoit aléz a
Chierebourc pour rafreschir
la garnison. Ainsi se desrompy en celle
saison l’armee des
Angloys et se retray
chascun en son lieu et rapasserent
Allemans et
Haynuiers la mer et retournerent
en leur paÿs. Sy
commencierent a
murmurer les
communaultéz d’Angle
terre sur les nobles en disant que ilz
avoient en celle sayson petit exploitié
quant la
ville
de Saint Malo leurs estoit
eschappee et par especial le visconte Ri
chart
d’Arondel en avoit petite grace.
¶ Nous nous souffrerons a parler de
ceulx
d’Angleterre
et parlerons des
Françoys et de
ceulx de Chierebourch.
SHF 2-68 sync
Comment messire Olivier du Glayaquin fut prins par ceulx de Chierebourch.
Asséz tost aprés le departement
de
Saint Malo de l’Isle
et que les
Françoys orent rafreschie la ville et le
chastel, le connestable de France et les
Bre
tons orent conseil
et advis ensemble
que ilz vendroient mettre le siege devant
Chierebourch, dont
messire Jehan de Har
letton estoit capitaine, et avoit deléz luy
plusieurs chevaliers et escuiers angloys et
navarrois, mais tout cest grant host
ne se
traist mie celle part, ainçois se de
partirent le
duc de Berry, le
duc de Bour
goingne, le duc de Bourbon, le conte de
la Marche, le conte daulphin d’Auver
gne et tous les chiefs des grans seigneurs
et renvoierent
leurs gens en leur paÿs.
Et les plusieurs vindrent veoir le roy,
pb 378 v