qui se tenoit a Rouen qui lieement les re
ceut. Aucuns Bretons et Normans, envi
ron trois cens lances, s’en vindrent a Val
loingne a sept lieues de Chierebourch et
la firent leurs bastides. Bien sçavoient que
messire Jehan d’Arondel avoit rafreschye
la garnison et supposoient bien qu’ilz y esto
ient encores. Entre Chierebourch et Valloin
gne de ce cousté ce sont tous haulx boys et
fortes forestz d’une part et d’autre jusques
a la cité de Coustances et pouoient ceulx
de Chierebourch yssir et chevauchier sur le
paÿs a l’adventure toutes et quanteffoiz
que ilz vouloient car ilz avoient fait par
my le boys un chemin de moult forte haye
d’un léz et d’autre, que quant ilz estoient
en leurs chevaulchee on ne les pouoit ap
prouchier et est Chierebourch un des fors
chasteaulx du monde. Ceulx qui estoient
en garnison a Avaloigne estoient dure
ment courrouciéz de ce que ilz ne pouoient
porter nul dommaige aux Angloys qui
herioient le paÿs. Si s’avisa messire Oli
vier de Glayaquin, frere a messire Bertran
dy Glayaquin, que il venroit a la couver
te chevauchier parmy les boys et advisier
Chierebourch de plus pres pour savoir se
on pourroit mettre devant le siege. A
tout le moins se ilz pouoient prendre la
ville qui sciet bien ensus du chastel, ilz
feroient un grant exploit et tantost ilz
l’auroient sy fortiffié que ceulx du chas
tel ne pourroient yssir ne saillir dehors
que ilz ne receussent dommaige. Mes
sire Olivier en ce propos persevera et
prinst environ quarante lances et gui
des qui bien les sceurent mener par
my ce boys et se partirent par un matin
d’Avaloingne et tant chevauchierent
que ilz vindrent oultre les boys a l’encon
tre de Chierebourch. En ce propre jour es
toit messire Jehan d’Arondel dedens le bourc