Trivet et sa route et avoient gui
des qui les devoient mener. Et de
voient chevauchier en quatre routes
et en trois agaiz pour plus secretement
faire leur emprinse et mieulx venir
et plus ayse a leur entente. Environ deux
heures en la nuit ilz s’armerent tous et
furent montéz a cheval et n’avoient
nulles trompettes, mais les capitaines
et les guides savoient bien les certains
lieux ou ilz se devoient retrouver pour
venir tous et d’un point devant le Val de
Sorie et avoient ja monté la montaigne
et trespassé et chevauchié sur les plains
quant uns gresilz et une neige va com
mencier a venir sy fort et sy tres roide
que merveille fut et la terre estre toute
couverte de neige, par quoy les guides
perdirent tout leur chemin et furent
tous en grant destroit de neige et de froit
et chevauchierent jusques a l’andemain
nonne avant que ilz peussent trouver
l’un l’autre. Ceste mesadventure des An
gloys chey grandement bien a point
pour ceulx du Val de Sorie, qui ne se don
noient garde de ceste embusche. Car ilz
se feussent tous trouvéz ensemble a
l’eure que ordonné ilz avoient, ilz l’eus
sent eu par eschiellement, ne ja ilz n’y
eussent failly. SHF 2-79 sync ¶ Quant messire Tho
mas Trivéz et ceulx qui ces gens d’ar
mes menoient virent et apparceurent
que ilz avoient failli a leur entente
sy furent moult durement courrouciéz
et sy se remistrent ensemble tout au
mieulx qu’ilz porent et puis orent nou
vel conseil et beurent un coup sur les som
miers et puis envoierent courir devant
le Val de Sorie de force, ainsi fut fait. Tan
tost aprés le desjuner qui fut moult brief,
messire Raymond de Balghes, Navarrois,
fut esleu a quarante lances pour courir pb 382 v