plus de quarante mille
hommes a cheval
et a pié.
¶ Entre le roy Henry et le roy de
Navarre avoit aucuns saiges hommes
et vaillans de l’un royaulme et de l’autre,
prelas et
barons qui ymaginoient le
grant peril et dommaige qui contre
eulx naistre il en pouoit
se par bataille
ilz s’encontroient. Sy commencierent
a traittier sur une partie et sur
l’autre
de un respit avoir pour mieulx admode
rer leurs besoingnes et couvint les trait
teurs avoir moult de peine et de travail
d’aler et de venir de l’un a l’autre ainçois
que la besoingne se peust entamer car
les
Angloys qui se tenoient la se
trouvoy
ent bien deux mille se tenoient grans et
orgueilleux contre les
Espaignolz et con
seillerent au roy de Navarre la bataille.
D’autre part les
Espaignolz qui estoient tres
grant foyson prisoient petit les
Angloys et les
Navarroys pour tant estoient les
traittiéz durs a conclurre sy se travail
lerent tant ceulx qui s’en ensoingnierent
que un
respit fut prins entre ces deux
roys et leurs royaulmes a
durer six sep
maines et la auroit bonne paix mais qu’
on la peust trouver
et estoient les enten
cions des traitteurs que uns mariaiges
se feroit de l’enffant de
Castille, ainsné filz
du roy Henry, a la fille du roy de Navarre
par quoy
plus seure et plus ferme paix
demourroit et seroit entr’eulx a tousjours
mais. A ce
entendoit le roy de Navarre
voulentiers car il veoit sa fille haultement
mariee. Or fut regardé des prelas et barons
de l’un royaulme et de
l’autre que mon
seigneur Charles de Navarre, ainsné filz
du roy de Navarre, auroit a femme la
fille du roy Henry. Ce traittié passa oul
tre parmy
tant que le roy damp Henry
devoit tant faire envers le roy de France
en quel garde monseigneur Charles
de Navarre estoit que
il devoit retour
ner en
Navarre ainsi qu’il fist, car a sa
priere le roy
de France lui renvoya, et
voulst parmy le mariaige faisant le roy
de Navarre prester dix ans en cause de
seurté
dix au roy Henry la ville et le
chastel de l’Estoille, la cité et le chastel de
Cudelle, la ville et le chastel de la Garde
et devoit le roy Henry rendre
aux
Angloys messire Pierre de Courtenay, qui estoit
son prisonnier, ainsi qu’il fist et le sei
gneur de Lespare, gascoing. Toutes
ces
choses furent seellees confermees et
accordees et jurees a tenir fermes et
estables a tousjours mais entre l’un
roy et l’autre et leurs royaulmes et qui
conques les briseroit ne romproit par
aucune incidence il se mettoit et soubz
mettoit en
la sentence du pape.
SHF 2-82 sync
¶ En
trementes que ces traittiéz se faisoient
et ces composicions le roy de Navarre
qui estoit tenuz envers les
Angloys en la somme de vint mille frans pour
lui acquittier
envers eulx envoya en
Arragon le visconte de Castelbon pour
querir ses deniers et emprumpter
au roy de Arragon lequel roy lui
pres
ta voulentiers, mais ses bonnes villes
en demourerent en pleiges telles
que
Pampelune, Mirande, le Bourc la Royne,
Corelle et
Saint Jehan du Pié des Pors.
Ainsi furent les
Angloys paiéz et deli
vréz et se partirent tous comptens du
roy de
Navarre et retournerent arrie
res a
Bourdeaulx et de la en
Angleter
re. Et le mariaige se fist de monseigneur
Charles de Navarre
et de la fille au
roy Henry qui s’appelloit Jehanne, moult
belle dame estoit.
¶ En cest an trespas
sa le roy damp Henry de Castille, dont
tout
son royaulme sy fut durement
courrouciéz et troubléz.
Tantost aprés son trespas
pb 384 r