barrieres. En telle doubte et en
tel estat
les tint il un grant temps et tant que
un jour au matin il s’estoit party de sa
garnison environ VI
XX armeures de
fer en sa compaignie et s’en
vindrent
jusques aux barrieres de
Cambray. La
noise et le cry monta
tant que plusieurs
gens en furent esbaÿs et moult effrayéz
et s’arma chascun au mieulx
qu’il pot et
monterent a cheval ceulx qui cheva
ulx avoient et vindrent a la porte ou
l’escarmousche estoit grant, et la ou
mes
sire Gille avoit ja
ceulx de la ville
rebou
téz dedens. Sy reyssy chascun qui mieulx
mieulx contre les annemis, dont en
tre les
Cambraisiens avoit ja un
jeu
ne bacheler appert homme d’armes
durement et estoit Gascoing appellé
Gille Marchant. Cilz yssi hors aux champs
monté
sur un bon coursier la targe au
col, le glaive ou poing et armé de toutes
pieces. Sy
esperonna devant de grant
couraige, et quant
messire Gille de Mau
ny le vit
venir vers lui qui ne desiroit au
tre chose que la jouste si en fut tout joye
ulx et esperonna
contre lui moult roy
dement et se acconsuivirent de leurs
glaives sans espargner moult
mer
veilleusement. Sy escheÿ sy bien a
Gil
le Marchant qu’il consuivi de son glaive
messire Gille si qu’il lui persa la targe
et toutes les armeures sy qu’il lui mist
le fer dedens le corps tant qu’il luy fist
passer parmy l’autre léz et l’abbaty jus
de
son cheval navré a mort.
¶ De ceste
jouste furent ces compaignons moult
esbahiz et
ceulx
de Cambray moult res
jouiz, lors se recueillirent ensemble. La
ot je vous dy bien
treffort poingneis
de premiere venue, et plusieurs des uns
et des autres
abbatus a terre, et maintes
belles appertises d’armes faittes.
¶ Fina