a coupper cordes et trefs et a rompre et
a abatre paveillons et tentes par terre
et a occirre et decoupper gens et mettre
a mort et a grant meschief. L’ost se com
mença a estourmir et toutes gens a
armer et se trairent celle part la ou
celle noyse estoit. Et quant le sire de Fau
quemont vit que a point estoit il s’en
retrayst arrieres avecques ses gens
bel et saigement. Et a ceste foiz fut mort
le sire de Piquegny, Picart et fiança pri
son le visconte de Quesnes, et le Borgne
de Rouvroy, et durement navré messire
Anthoyne de Codun. Quant le sire de
Fauquemont ot faitte son emprinse,
il se party a toutes ses gens et rapassa
la riviere de Selles sans aucun dommai
ge car point ne furent poursuiviz et
chevauchierent tant qu’ilz vindrent
environ souleil levant au Quesnoy
ou le mareschal de Haynault se tenoit
qui leur ouvry la porte et les receut
moult lieement. Et d’autre part le duc
de Normandie fut moult courroucié
de ses gens qui furent occis et prison
niers et dist: "Agar comment ces Hay
nuiers nous resveillent !". ¶ A l’ande
main au point du jour fist on sonner
les trompettes en l’ost du duc. Sy s’ordon
nerent et armerent toutes manieres
de gens et arrouterent le charroy et
passerent la dicte riviere de Selles et en
trerent de rechief en Haynault, car le
duc vouloit venir devers Valenciennes
et veoir comment il la pourroit assie
ger. Ceulx qui chevauchierent devant
les mareschaulx, c’est assavoir le sire
de Mirepoix, le sire de Noisiers, le Galois
de la Baume et messire Thiebault de Mo
rueil a bien IIIIC lances sans les bri
gans qui s’en vindrent devant le Ques
noy et approuchierent tant qu’ilz vin